«ក្ដាតខេមសែត» ជារីសតជាប់មាត់សមុទ្រមួយ ដែលអាចឲ្យភ្ញៀវទេសចរសម្រាកលម្ហែកាយ ស្ដាប់សំឡេងទឹករលកបោកបក់ប៉ះផ្ទាំងថ្ម។ ក្ដាតខេមសែត ជាកន្លែងសាកសមបំផុតសម្រាប់ទស្សនាថ្ងៃលិច ចាំងចូលផ្ទៃទឹកសមុទ្រដ៏ធំល្វឹងល្វើយ។
«ក្តាតខេមសែត» រីសតជាប់មាត់សមុទ្រសាកសមសម្រាប់ទស្សនាថ្ងៃលិច
ស្ថិតនៅភូមិក្ដាត ឃុំព្រែកត្នោត ស្រុកទឹកឈូ ខេត្តកំពត ក្ដាតខេមសែត ជារីសតថ្មីមួយដែលមានសម្រស់ទាក់ទាញ ដោយមានស្ពានឈើយ៉ាងវែងសាងសង់ពីឈើ ដើម្បីឲ្យភ្ញៀវទេសចរដើរកម្សាន្ត និងថតរូបស្អាតៗ។ ស្ពានឈើមួយនេះ ទេសចរក៏អាចអង្គុយលើទោង នៅមាត់សមុទ្រដើម្បីទស្សនាថ្ងៃលិចចាំងចូលផ្ទៃទឹកសមុទ្រ ក៏ជាភាពទាក់ទាញមួយដែរ។ ជាមួយគ្នានេះ ទេសចរដែលទៅកម្សាន្តនៅរីសត ក្ដាតខេមសែត ក៏អាចងូតទឹកសមុទ្រលេងកម្សាន្ត អាំងសាច់នៅពេលល្ងាច ជាមួយខ្យល់អាកាសបរិសុទ្ធតាមមាត់ទឹក។
«ក្តាតខេមសែត» រីសតជាប់មាត់សមុទ្រសាកសមសម្រាប់ទស្សនាថ្ងៃលិច
ភ្ញៀវទេសចរ ចំណាយត្រឹម ៨ម៉ឺនរៀល សម្រាប់ការស្នាក់នៅផ្ទះស្នាក់ រាងជាត្រីកោណពណ៌ក្រហម និងចំណាយត្រឹម១៤ម៉ឺនរៀល សម្រាប់ការស្នាក់នៅបឹងកាឡូជាប់មាត់សមុទ្រ។ សម្រាប់ទេសចរដែលមិនបានត្រៀមអាហារសម្រាប់បរិភោគ នៅក្នុងរីសតមួយនេះក៏មានភោជនីយដ្ឋាន និងមានលក់គ្រឿងសមុទ្រជាច្រើនប្រភេទសម្រាប់ទេសចរផងដែរ៕
(សរុបដោយ ហេង វុធ្ធី)
មតិពីមិត្តអ្នកអាន