ប្រាសាទអង្គរវត្តជានិមិត្តរូបដ៏រុងរឿងនៃព្រលឹងជាតិរបស់ប្រជាជនកម្ពុជា ។ ទង់ជាតិនៅក្នុងរបបមុនៗ ក៏ដូចទង់ជាតិនៃរបបបច្ចុប្បន្នសុទ្ធតែមានរូបប្រាសាទអង្គរវត្តទាំងអស់ ។ ប្រាសាទអង្គរវត្ត គឺជាអច្ឆរិយវត្ថុដ៏កម្រមួយរបស់មនុស្សជាតិ ព្រោះជាស្នាដៃកំពូលមួយខាងស្ថាបត្យកម្មរបស់មនុស្ស ។
អង្គរវត្តស្ងាត់ភ្ញៀវ។ (រូបថត៖ thmey thmey.com)
ជនបរទេសខ្លះគេមិនស្គាល់ទេឈ្មោះកម្ពុជា តែបើនិយាយប្រាប់គេថា អង្គរទើបគេស្គាល់ ។ ដូច្នេះការឈ្វេងយល់ដឹងពីប្រាសាទអង្គរវត្ត គឺជាការចាំបាច់ណាស់សម្រាប់យើងជាម្ចាស់ទឹកដីអង្គរនេះ ។
ជំងឺកូវីដឥ១៩ បានធ្វើឱ្យប្រាសាទអង្គរវត្តស្ងប់ស្ងាត់ គ្មានភ្ញៀវអ៊ូអរដូចមុន តែការរៀបចំហេដ្ឋារចនាសម្ព័ន្ធនៅបរិវេណប្រាសាទ មានសកម្មភាពរស់រវើក។ អាជ្ញាធរជាតិអប្សរា ដែលជាអ្នកគ្រប់គ្រងរមណីយដ្ឋានអង្គរ បានបន្តដូចជារៀបចំសួនដាំស្មៅ ដាំដើមឈើតូចធំ ពិសេសរៀបចំសួនមុខអង្គរវត្ត ដែលកន្លងមកមានសភាពរញ៉េរញ៉ៃ។ នៅក្នុងបរិវេណអង្គរវត្តវិញ គម្រោងស្រោចស្រពដោយស្វ័យប្រវត្តិ ក៏រៀបចំជិតរួចរាល់ហើយដែរ ដែលប្រព័ន្ធស្រោចស្រពនេះ នឹងធ្វើឱ្យស្មៅបរិវេណអង្គរដែលធ្លាប់តែក្រៀមស្វិតនាខែប្រាំង មានភាពបៃតងជាប់រហូត។ ក្រៅពីនេះ គម្រោងស្ដារស្រះខាងជើង ក៏កំពុងទៅមុខដែរ។ ការងារស្ថាបនាហេដ្ឋារចនាសម្ព័ន្ធឡើងវិញក៏ត្រូវបានធ្វើឡើងដែរ ជាមួយនឹងការជួសជុលកែលម្អ ដើម្បីត្រៀមទទួលទេសចរ នៅក្រោយវិបត្តិកូវីដ-១៩ផងដែរ./.
(បូកសរុបដោយឌីណា)
មតិពីមិត្តអ្នកអាន