រមណីយដ្ឋានទេសចរណ៍ទាំង៣កន្លែងដែរមានសក្ដានុពលក្នុងខេត្តបន្ទាយមានជ័យ៖ ទី១ ប្រាសាទបន្ទាយឆ្មារ ស្ថិតក្នុងឃុំបន្ទាយឆ្មារ ស្រុកថ្មពួក ទី២ បារាយណ៍មេបុណ្យ ស្ថិតក្នុងឃុំបន្ទាយឆ្មារ ស្រុកថ្មពួក និងទី៣ អាងជើងគ្រុស ស្ថិតក្នងឃុំបន្ទាយឆ្មារ ស្រុកថ្មពួក សុទ្ធសឹងតែជាកន្លែងទាក់ទាញភ្លៀវទេសចរណ៍ជាតិ និងអត្តជាតិ បានទស្សនាហើយចងទស្សនាម្តងទៀត
ប្រាសាទបន្ទាយឆ្មារ បារាយណ៍មេបុណ្យ និងអាងជើងគ្រុស គឺជាតំបន់ទេសចរណ៍ដែលមានសក្តានុពល និងទាក់ទាញទេសចរច្រើនជាងគេ ស្ថិតក្នុងភូមិសាស្ត្រខេត្តបន្ទាយមានជ័យ។ តំបន់សក្តានុពលទេសចរណ៍ទាំង៣កន្លែងនេះ ស្ថិតនៅក្នុង ឃុំបន្ទាយឆ្មារ ស្រុកថ្មពួក ចម្ងាយប្រមាណ៦០គីឡូម៉ែត្រ ពីទីរួមខេត្ត។ នេះបើតាមទំព័រហ្វេសប៊ុករបស់ក្រសួងទេសចរណ៍ ចេញផ្សាយនៅថ្ងៃទី២៩ ខែកក្កដាឆ្នាំ២០២០។
ប្រាសាទបន្ទាយឆ្មារ។ (រូបថត៖ Thmey Thmey.com)
លោក ឈឿន សេរីវុឌ្ឍ ប្រធានមន្ទីរទេសចរណ៍ខេត្តបន្ទាយមានជ័យ ពន្យល់ប្រាប់ថា ប្រាសាទបន្ទាយឆ្មារ ជាប្រាសាទធំជាងគេក្នុងខេត្តបន្ទាយមានជ័យ ទាក់ទាញភ្ញៀវទេសចរដោយសារជាសម្បត្តិបេតិកភណ្ឌវប្បធម៌ជាតិ។ ចំណែកឯ អាងជើងគ្រុស ទាក់ទាញភ្ញៀវទេសចរ ដោយសារ មានការអភិវឌ្ឍជាច្រើនដូចជាការកសាងស្ពានបណ្តែតទឹក មានសេវាកម្មជិះទូកទៅលេងកោះ មានខ្យុសអង្គុយលេង និងបរិភោគអាហារ ព្រមទាំងមានកន្លែងសម្រាប់ឱ្យភ្ញៀវទេសចរឡើងទៅមើលថ្ងៃលិច។ រីឯតំបន់ទេសចរណ៍បារាយណ៍មេបុណ្យវិញ គឺមានស្ពានឈើយ៉ាងវែងទៅដល់ប្រាសាទមេបុណ្យ ដែលស្ថិតនៅកណ្ដាលបារាយណ៍តែម្ដង។ ហើយនេះជាអ្វីដែលទាក់ទាញទេសចរ។
រមណីយដ្ឋានបារាយណ៍មេបុណ្យ។ (រូបថត៖ Internet)
ប្រធានមន្ទីរទេសចរណ៍ខេត្តបន្ទាយមានជ័យ រំពឹងថា នឹងទទួលបានភ្ញៀវទេសចរកាន់តែច្រើន ក្នុងពេលឈប់សម្រាកជំនួសថ្ងៃចូលឆ្នាំនៅថ្ងៃទី១៧ដល់២១ ខែសីហា ឆ្នាំ២០២០ ខណៈបច្ចុប្បន្នតំបន់ទាំង៣នេះ ក៏ទទួលបានទេសចរច្រើនហើយដែរ។ លោកឈឿន សេរីវុឌ្ឍ បន្ថែមដូច្នេះ៖ «មន្ទីរទេសចរ ក៏បានត្រៀមខ្លួនទទួលទេសចរ ដូចជាការធ្វើបដិសណ្ឋារកិច្ចជាមួយភ្ញៀវទេសចរ ហើយសម្រាប់អាជីវក រៀបចំសណ្តាប់ធ្នាប់ និងរក្សារអនាម័យ និងមានការបង្ការទប់ស្កាត់ពីការរីករាលដាល នៃជំងឺកូវីដ-១៩»។
រមណីយដ្ឋានអាងជើងគ្រុស។ (រូបថត៖ Thmey Thmey.com)
បើតាមប្រធានមន្ទីរទេសចរណ៍ខេត្ត ភ្ញៀវទេសចរ ដែលទៅកម្សាន្តនៅតំបន់សក្តានុពលទាំង៣កន្លែងនេះ អាចស្នាក់នៅផ្ទះស្នាក់ ជិតប្រាសាទបន្ទាយឆ្មារបាន៕
(បូកសរុបដោយឌីណា)
មតិពីមិត្តអ្នកអាន