យុគមស័យ - ភ្ញៀវទេសចរបរទេសដែលមកទស្សនាតំបន់អង្គរដែលជាបេតិកភណ្ឌវប្បធម៌ពិភព លោករបស់កម្ពុជាកំពុងស្ថិតក្នុងនិន្នាការធ្លាក់ចុះ។
ចំនួនភ្ញៀវទេសចរទស្សនាខេត្តសៀមរាបមានការថយចុះ (រូបថតៈ FN)
យោងតាមរបាយការណ៍បានបង្ហាញក្នុងរយៈពេលប៉ុន្មានខែចុងក្រោយនេះ ចំនួនភ្ញៀវទេសចរទៅលេងកម្សាន្តនៅខេត្តសៀមរាប មានការធ្លាក់ចុះ បើធៀបនឹងបណ្តាឆ្នាំកន្លងទៅ។ របាយការណ៍គ្រឹះស្ថានអង្គរបានបង្ហាញថា ក្នុងខែកក្កដា កន្លងទៅនេះ ភ្ញៀវចូលទស្សនាប្រាសាទអង្គរមានជិត ១៥ម៉ឺននាក់ ដែលចំនួននេះធ្លាក់ចុះជិត ២០ភាគរយ បើធៀបឆ្នាំ២០១៨។ រយៈពេល៧ខែឆ្នាំ២០១៩វិញ ទទួលបានភ្ញៀវជិតជិត ១.៤លាននាក់ តែចំនួននេះធ្លាក់ចុះជាង ១០ភាគរយ បើធៀបរយៈពេលដូចគ្នានៅឆ្នាំ២០១៨។
លោកថោងខុនរដ្ឋមន្ត្រីក្រសួងទេសចរណ៍កម្ពុជា (រូបថតៈ VOV)
មុននេះ លោកថោងខុនរដ្ឋមន្រ្តីក្រសួងទេសចរណ៍កម្ពុជា បានមានប្រសាសន៍ថាដំណើរទេសចរណ៍សូន្យដុល្លារគឺជាមូលហេតុចំបងដែលធ្វើឱ្យចំនួនភ្ញៀវទេសចរបរទេសមកខេត្តសៀមរាបមានការថយចុះ។ លោកបន្តថា ប្រតិបត្តិករទេសចរណ៍សូន្យដុល្លារគឺជាអ្នកបំផ្លាញទីតាំងទេសចរណ៍ក្នុងខេត្តសៀមរាបតែម្តង៕
(បកប្រែដោយ ស្រី ពេជ្រ)
មតិពីមិត្តអ្នកអាន