នាវាទេសចរណ៍ខ្នាតយក្ស Sun Princess នៅថ្ងៃទី១០ ខែមីនា ឆ្នាំ២០១៦នេះ បានដឹកភ្ញៀវទេសចរចម្រុះជាតិសាសន៍ជិត ២,០០០នាក់ ចូលទស្សនា និង កម្សាន្តក្នុងក្រុងព្រះសីហនុ។
នាវាទេសចរណ៍ SUN PRINCESS នាំភ្ញៀវទេសចរបរទេសជិត ២.០០០នាក់ ចូលចតកំពង់ផែអន្តរជាតិក្រុងព្រះសីហនុ។ (ប្រភព៖ AKP)
មន្ត្រីនគរបាលប៉ុស្តិ៍ច្រកទ្វារកំពង់ផែអន្តរជាតិក្រុងព្រះ សីហនុ បានឱ្យដឹងថា កាលពីព្រឹកថ្ងៃអាទិត្យ ៦រោជ ខែកត្ដិក ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៧ ខែវិច្ឆិកា ឆ្នាំ២០១៩ នាវាទេសចរណ៍បរទេសមួយគ្រឿង មានឈ្មោះ SUN PRINCESS បាននាំភ្ញៀវទេសចរចម្រុះជាតិសាសន៍ជិត២.០០០នាក់ ចូលចតនៅកំពង់ផែអន្តរជាតិក្រុងព្រះសីហនុ ដើម្បីធ្វើទស្សនកិច្ចនៅព្រះរាជាណាចក្រកម្ពុជារយៈពេល ១ថ្ងៃ មុននឹងចាកចេញទៅកាន់ប្រទេសថៃ ។
តាមមន្ត្រីច្រកទ្វារអន្តរជាតិក្រុងព្រះ សីហនុបានឱ្យដឹងបន្តថា នាវាទេសចរណ៍ SUN PRINCESS មានសញ្ជាតិ BEAMUDA មានបណ្ដោយ ២៦១.៣០ ម៉ែត្រ ទទឹង ៣២.២០ម៉ែត្រ ជម្រៅទឹក ៨.២០ម៉ែត្រ មានភ្ញៀវទេសចរចម្រុះជាតិសាសន៍ជិត ២.០០០នាក់ ក្នុងនោះភ្ញៀវទេសចរសរុបចំនួន ១.៩៦៩នាក់ ស្រី ១.០៧៨នាក់ និងមាននាវិកសរុបចំនួន ៨៧៤នាក់ ស្រី ១៣៥នាក់។ នាវាទេសចរណ៍ SUN PRINCESS បាននាំភ្ញៀវទេសចរបរទេសមកពីប្រទេសវៀតណាម ចូលចតនៅកំពង់ផែអន្តរជាតិក្រុងព្រះសីហនុ កាលពីវេលាម៉ោង៥ និង ៤០នាទី ព្រឹកថ្ងៃទី១៧ ខែវិច្ឆិកា ឆ្នាំ២០១៩ នាវានេះមានគម្រោងចាកចេញពីដែនទឹក នៃព្រះរាជាណាចក្រកម្ពុជា នៅវេលាម៉ោង ១៦រសៀលថ្ងៃដដែលឆ្ពោះទៅកាន់ប្រទេសថៃ ។
ក្នុងចំណោមភ្ញៀវទេសចរដែលធ្វើដំណើរតាមនាវាទេសចរណ៍ SUN PRINCESS មានសញ្ជាតិច្រើនជាងគេ មានដូចជា អូស្រា្ដលី ១.៦២៤នាក់ ចក្រភពអង់គ្លេស ១៦៣នាក់ និងក្រៅពីនោះមានភ្ញៀវទេសចរសញ្ជាតិផ្សេងៗទៀត ។
សូមបញ្ជាក់ថា ចាប់ពីចុងខែវិច្ឆិកា ឆ្នាំ ២០១៩ និងដល់ ខែមេសា ដើមឆ្នាំ ២០២០ខាងមុខ ដែលជារដូវប្រាំង នាវាទេសចរណ៍បរទេសនឹងនាំភ្ញៀវទេសចរចម្រុះជាតិសាសន៍មកពីតំបន់អឺរ៉ុប និងអាស៊ីចូលចតធ្វើទស្សនកិច្ចនៅព្រះរាជាណាចក្រកម្ពុជាកាន់តែច្រើន ព្រោះរដូវប្រាំងមិនមាន ជួបហានិភ័យនូវព្យុះ ភ្លៀង ដូចរដូវវស្សា៕
(ប្រែសម្រូលដោយវិច្ឆិកា)
មតិពីមិត្តអ្នកអាន