ព្រះសីហនុ ថ្ងៃទី១១ ខែមករា ឆ្នាំ២០២០ -- នាវាទេសចណ៍បរទេសមួយគ្រឿងមានឈ្មោះ MARELLA DISCOVERY បាននាំភ្ញៀវទេសចរបរទេសចម្រុះជាតិសាសន៍ជិត២,០០០នាក់ ចូលចតនៅកំពង់ផែអន្តរជាតិក្រុងព្រះសីហនុ ដើម្បីធ្វើទស្សនកិច្ចមួយថ្ងៃនៅព្រះរាជាណាចក្រកម្ពុជា មុននឹងចាកចេញទៅកាន់ប្រទេសវៀតណាម ។
នាវាទេសចរណ៍ MARELLA DISCOVERY នាំភ្ញៀវទេសចរបរទេសជិត ២,០០០នាក់ ទស្សនកិច្ច នៅខេត្តព្រះសីហនុ។
តាមមន្ត្រីនគរបាលប៉ុស្តិ៍ច្រកទ្វារកំពង់ផែអន្តរជាតិក្រុងព្រះសីហនុបានឱ្យដឹងថា នាវាទេសចរណ៍ MARELLA DISCOVERY មានសញ្ជាតិ MALTA បណ្តោយប្រវែង២៦៤.៣០ ម៉ែត្រ ទទឹង ៣២.៣០ម៉ែត្រ ជម្រៅទឹក ៨ម៉ែត្រ បាននាំភ្ញៀវទេសចរបរទេសចម្រុះជាតិសាសន៍ជិត ២,០០០នាក់ មកពីប្រទេសថៃ ចូលចតនៅកំពង់ផែអន្តរជាតិក្រុងព្រះសីហនុ នៅវេលាម៉ោង៨ និង៣០នាទីព្រឹក នាថ្ងៃទី១១ ខែមករា ឆ្នាំ២០២០។ នាវានេះ មានគម្រោងចាកចេញពីកំពង់ផែអន្តរជាតិក្រុងព្រះសីហនុ ឆ្ពោះទៅកាន់ប្រទេសវៀតណាម នៅវេលាម៉ោង ១៩ល្ងាចថ្ងៃដដែល។
ភ្ញៀវទេសចរដែលធ្វើដំណើរតាមនាវា MARELLA DISCOVERY មានចំនួនសរុប ១,៧១១នាក់ ស្រី ៩០២នាក់ មាន១៨សញ្ជាតិ និងមាននាវិកសរុបចំនួន ៧៧៣នាក់ ស្រី ១៥៥ មាន ៤៣សញ្ជាតិ។
ភ្ញៀវទេសចរបានធ្វើដំណើរទស្សនា និងលេងកម្សានជាមួយសិស្សានុសិស្សក្នុងក្រុងព្រះសីហនុ តំបន់រមណីយដ្ឋាននានាក្នុងក្រុងព្រះសីហនុ តំបន់នេសាទ ស្ថិតក្នុងសង្កាត់ លេខ១ ក្រុងព្រះសីហនុ ទីប្រជុំផ្សារ និងតាមតំបន់ឆ្នេរជាដើម ទៅទន្សនាតំបន់រមណីយដ្ឋានរាម ស្ថិតក្នុងស្រុកព្រៃនប់ ខេត្តព្រះសីហនុ ៕
(ប្រភពព័ត៌មាន: akp)
មតិពីមិត្តអ្នកអាន