ឧទ្យានជាតិគីរីរម្យ ឬក៏គេច្រើនហៅថា គីរីរម្យ រីស៊ត មានទីតាំងស្ថិតនៅ ភូមិដំរីផុត ឃុំគិរីរម្យ ស្រុកភ្នំស្រួច ខេត្តកំពង់ស្ពឺ និងមានចម្ងាយប្រហែល ~៦៥ គីឡូម៉ែត្រពីវិមានឯករាជ្យ ខេត្តកំពង់ស្ពឺ។
ផែនទីនាំទៅកំសាន្តកាន់ឧទ្យានជាតិគីរីរម្យ
ឧទ្យានជាតិគីរីរម្យស្ថិតនៅក្នុងប្រភេទរមណីយដ្ឋាន ឧទ្យានជាតិ, ព្រៃភ្នំ, ទឹកជ្រោះឬទឹកធ្លាក់, កន្លែងស្នាក់នៅ, កន្លែងញុំអីឬកញ្ចុះញុំអី និងទេសចរណ៍ធម្មជាតិ។ សម្រាប់ចំណុចសំខាន់ៗ ក៏ដូចជាភាពទាក់ទាញនៃរមណីយដ្ឋានឧទ្យានជាតិគីរីរម្យដែលអាចធ្វើអោយភ្ញៀវទេសចរមានចំណាំអារម្មណ៏នោះ មានដូចជា៖ ទស្សនាទេសភាពព្រៃភ្នំ, គយគន់ថ្ងៃលិច, លេងទឹកឬហែលទឹក, បោះជំរុំឬបោះតង់, ថតរូបអាពាហ៍ពិពាហ៍, ខ្យូសញុំអី និងចំណុចផ្សេងៗទៀត។ ឧទ្យានជាតិគីរីរម្យមានទីតាំងស្ថិតនៅ ភូមិដំរីផុត ឃុំគិរីរម្យ ស្រុកភ្នំស្រួចខេត្តកំពង់ស្ពឺ និងមានចម្ងាយប្រហែល ~65km ពីវិមានឯករាជ្យ ខេត្តកំពង់ស្ពឺ។
ឧទ្យានជាតិព្រះសុរាម្រិតកុសុមៈគីរីរម្យ ដែលគ្រប់គ្នាស្គាល់ថាជា ឧទ្យានជាតិគិរីរម្យ ជាឧទ្យានជាតិនៃព្រះរាជាណាចក្រកម្ពុជាដែលស្ថិតនៅចំងាយ១១២គមពីរាជធានីភ្នំពេញ តាមបណ្តោយផ្លូវជាតិលេខ៤ ទៅកាន់ក្រុងព្រះសីហនុ។ ឧទ្យានជាតិគីរីរម្យលាតសន្ធឹងលើផ្ទៃដីដែលមានព្រៃឈើប្រមាណ៨ម៉ឺនហិចតា។ ភ្នំគិរីរម្យមានកំពស់៧០០ម៉ែត្រ។
ទស្សនីយភាពនៃឧទ្យានជាតិគីរីរម្យ ខេត្តកំពង់ស្ពឺ
ឧទ្យានជាតិគិរីរម្យ គឺជារមណីយដ្ឋានទេសចរណ៍ធម្មជាតិមួយដ៏ល្បី ក្នុងចំណោមរមណីយដ្ឋានឧទ្យានជាតិធំៗដទៃទៀតនៅក្នុងប្រទេសកម្ពុជា ហើយគិរីរម្យក៏ជារមណីយដ្ឋានមានកេរ្ដិ៍ឈ្មោះល្បីល្បាញខ្លាំង កាលពីក្នុងសម័យសង្គមរាស្ត្រនិយម។ រមណីយដ្ឋានឧទ្យានជាតិនេះ សំបូរទៅដោយទេសភាពល្អប្រណិតលំអដោយដើមស្រល់ដុះពីធម្មជាតិនៅលើ ខ្ពង់រាបគិរីរម្យ ជ្រោះទឹកធ្លាក់ជាច្រើនអន្លើ និងសត្វម្រឹគីម្រឹគាជាច្រើនអំបូររស់នៅទីនោះ។ សម្រាប់ការធ្វើដំណើរដើម្បីទៅដល់ទីតាំងនៃរមណីយដ្ឋានឧទ្យានជាតិគីរីរម្យ ភ្ញៀវទេសចរមានភាពងាយស្រួល ពីព្រោះមិនមានការធ្វើដំណើរថ្មើរជើង និងធ្វើដំណើរឆ្លងទឹក រឺក៏ជិះទូកឡើយ។ ចំពោះចំណតរថយន្តវិញ ភ្ញៀវទេសចរអាចធ្វើការចតដោយផ្ទាល់នៅរមណីយដ្ឋានបានថែមទៀតផង។
សម្រាប់កន្លែងអង្គុយលំហែរកាយវិញ រមណីយដ្ឋានឧទ្យានជាតិគីរីរម្យ គឺមានខ្យូសអង្គុយ រឺក៏តូបអង្គុយជាច្រើនសម្រាប់ភ្ញៀវទេសចរ ហើយក៏មានសេវាកម្មទទួលកម្មង់អាហារផ្ទាល់ពីទីនោះផងដែរ។ ក្រៅពីនេះ រមណីយដ្ឋានឧទ្យានជាតិគីរីរម្យមានកន្លែងកម្មង់អាហារ រឺកន្លែងលក់អាហារ ហើយក៏មានភោជនីយដ្ឋានផងដែរ ប៉ុន្តែសម្រាប់អាហារដ្ឋានពុំទាន់មាននៅឡើយទេ។ សម្រាប់កន្លែងស្នាក់នៅ រមណីយដ្ឋានឧទ្យានជាតិគីរីរម្យមានបឹងហ្គាឡូ ប៉ុន្តែសម្រាប់ផ្ទះសំណាក់ និងសណ្ឋាគារពុំទាន់មាននៅឡើយទេ។
ម៉ូតែលស្នាក់នៅជំវិញ ឧទ្យានជាតិគីរីរម្យ
លក្ខណៈពិសេសនៃតំបន់ រមណីយដ្ឋានទេសចរណ៍ទាំងនោះពិតជាស្រស់ត្រកាលណាស់ដូចជា៖
* អំពែភ្នំ ៖
បើនិយាយអំពីទីរមណីយដ្ឋានអំពែភ្នំនោះនរណាក៏គេស្គាល់កន្លែង កម្សាន្តប្រកប ដោយខ្យល់ជំនោរត្រជាក់ ផុសចេញពីទឹកស្ទឹងហូរបត់បែនវែងអន្លាយនេះដែរ ជាពិសេសក្រុមយុវជនយុវនារីតែម្តង។
អំពែភ្នំនៅមិនឆ្ងាយប៉ុន្មានពីទីក្រុង ភ្នំពេញនោះឡើយគឺមានចម្ងាយផ្លូវត្រឹមតែ៤៦គីឡូម៉ែត្រតែប៉ុណ្ណោះរួច បត់ឆ្វេងដៃចូលតាមផ្លូវក្រួសក្រហមប្រហែលជា២គីឡូម៉ែត្រនោះនឹង បានពើបប្រទះស្លាកសញ្ញារមណីយដ្ឋាននេះដែលមានទីតាំងស្ថិតនៅក្នុង ភូមិអំពែភ្នំ ឃុំសុពណ៌ទេព និងឃុំស្វាយ ក្រវ៉ាន់ ក្រុងច្បារមន ខេត្តកំពង់ស្ពឺ។
តំបន់នេះមានទេសភាពនៃទឹកស្ទឹងហូរឆ្លងកាត់រួម ផ្សំលម្អដោយដើមឈើធំៗប្រឹងដុះប្រជ្រៀតគ្នាតាមមាត់ស្ទឹង និងជើងភ្នំដែលមានស្ពានយោលឆ្លងកាត់ពីភូមិតាំងទន្លេតភ្ជាប់ឆ្លង ទៅភូមិអំពែភ្នំ។ ក្រៅពីនេះយើងនៅសង្កេតឃើញមានវត្តអារាមចាស់មួយបណ្តែតខ្លួននៅលើ កូនភ្នំដែលជាទី សក្ការរបស់ប្រជា ពលរដ្ឋគ្រប់ស្រទាប់វណ្ណៈទៅធ្វើបុណ្យទានតាមលក្ខណៈទំនៀមទម្លាប់ប្រពៃណីខ្មែរ ផងដែរ។
*ឧទ្យានជាតិព្រះសុរាម្រឹតឬឧទ្យានជាតិគិរីរម្យ ៖
គឺជារមណីយដ្ឋានទេសចរណ៍ ធម្មជាតិមួយក្នុងចំណោមឧទ្យានជាតិធំៗនៅក្នុងព្រះរាជាណាចក្រកម្ពុជា ដែលមានសម្រស់ទេសភាពប្រៀបបាននឹងឋានសួគ៌លម្អដោយដើមស្រល់ដុះពី ធម្មជាតិនៅលើខ្ពង់រាបគិរីរម្យ និងមានទឹក ជ្រោះជាច្រើនកន្លែងរួមទាំងហ្វូងម្រឹគីម្រឹគារស់នៅទីនោះថែមទៀតផង។
ភ្ញៀវទេសចរអាចធ្វើដំណើរពីក្រុងភ្នំពេញទៅទស្សនារមណីយដ្ឋាននេះបាន តាមរយៈកំណាត់ផ្លូវជាតិលេខ៤លុះធ្វើដំណើរទៅដល់បង្គោលគីឡូម៉ែត្រលេខ ៨៧ត្រង់ម្តុំផ្លូវបំបែកត្រែងត្រយឹងនឹងបានឃើញផ្លូវបំបែកទៅខាងស្តាំ ដៃមួយឆ្ពោះទៅកាន់តំបន់គិរីរម្យដែលស្ថិតក្នុងចម្ងាយ ផ្លូវ២៧គីឡូម៉ែត្រ ក្នុងនោះរយៈចម្ងាយ ផ្លូវ១០គីឡូម៉ែត្រដំបូងគឺជាផ្លូវរាបស្មើនឹង១៧ គីឡូម៉ែត្របន្ទាប់ គឺជាផ្លូវឡើងចុះភ្នំ។
រមណីយដ្ឋានគិរីរម្យមានចម្ងាយផ្លូវពីរាជធានីភ្នំពេញ១១៤គីឡូម៉ែត្រ និង១៤៧គីឡូម៉ែត្រពីក្រុងព្រះសីហនុឬចម្ងាយ ៤៤ គីឡូម៉ែត្រពីផ្សារកំពង់ស្ពឺ។ ឧទ្យានជាតិគិរី រម្យមានផ្ទៃដី ប្រមាណ៨៤០១ហិកតាដែលស្ថិតនៅលើខ្ពង់រាបមានកម្ពស់ចាប់ពី៣០០ទៅ១០០០ ម៉ែត្រពីនីវ៉ូសមុទ្រ។ រមណីយដ្ឋានគិរីរម្យគឺជាតំបន់ឧទ្យានធម្មជាតិដ៏ធំ និងនៅ ជិតរាជធានីភ្នំពេញផងដែរ។
តំបន់នេះរាជរដ្ឋាភិបាលកម្ពុជាបានចុះបញ្ជីរមណីយដ្ឋាន គីរីរម្យជាឧទ្យានជាតិព្រះសុរាម្រឹតដែលមានផ្ទៃដី៥០០០ហិកតាតាម ព្រះរាជក្រឹត្យរបស់ព្រះករុណាព្រះបាទសម្តេចព្រះនរោត្តម សីហនុវរ្ម័នចុះថ្ងៃទី០១ វិច្ឆិកា ឆ្នាំ១៩៩៣ និងបានសម្ពោធជាផ្លូវការនៅថ្ងៃទី០៥ ខែមិថុនា ឆ្នាំ១៩៩៥ ហើយក៏បានចងក្រង ទុកជាប្រវត្តិផងដែរ។
ទស្សនីយភាពនៃឧទ្យានជាតិគីរីរម្យ ខេត្តកំពង់ស្ពឺ
*ភ្នំព្រៃខ្មែរ ៖
គឺជារមណីយដ្ឋានធម្មជាតិមួយដ៏ទាក់ទាញដែល ស្ថិតនៅក្នុងភូមិ ក្រាំពោធិ ឃុំក្រាំពោធិ ស្រុកភ្នំស្រួច តាម បណ្តោយ ផ្លូវជាតិលេខ៤មានចម្ងាយផ្លូវ ៧០គីឡូម៉ែត្រ ពីទីក្រុងភ្នំពេញ និង២២ គីឡូម៉ែត្រពីទីរួមខេត្តកំពង់ស្ពឺ។
តំបន់នេះមានទេសភាពប្រណីតណាស់សម្រាប់អ្នកទេសចរដោយឃើញមានកូនភ្នំ តូចៗនៅជាប់គ្នា និងមានផ្លូវអាចបើកបររថយន្តឡើងទៅដល់កំពូលភ្នំតែម្តងដោយលោកអ្នក អាចធ្វើដំណើរពីភ្នំមួយទៅភ្នំមួយទៀត និងនៅលើភ្នំមានខ្ចូសសម្រាប់ភ្ញៀវទេសចរ អង្គុយលេងស្រូបយកខ្យល់អាកាសដ៏បរិសុទ្ធ។ និយាយរួមចំពោះអ្នកទេសចរដែលធ្វើដំណើរមកលេងកម្សាន្តនៅតំបន់ រមណីយដ្ឋានទេសចរណ៍ដ៏មានប្រជាប្រិយភាពទាំង៤ខាងលើនៅទឹកដីខេត្ត កំពង់ស្ពឺនេះជឿជាក់ថា ប្រាកដជាបានសប្បាយរសាយអស់នូវទុក្ខកង្វល់ជាក់ជាមិនខានឡើយ។
*ទឹកធ្លាក់ចំបក់ ៖
នៅអមតាមសងខាងផ្លូវចូលទៅកាន់ទីរមណីយដ្ឋានទេសចរណ៍ធម្មជាតិ ទឹកធ្លាក់ចំបក់គឺគ្រប់អ្នកទេសចរទាំងអស់អាចគយគន់ទេសភាពបណ្តើរ ដែលមានជ្រលងភ្នំប្រមូលផ្តុំ ដោយព្រៃឈើដុះស្អេកស្កះគួរឲ្យជំពាក់ចិត្តក្រៃលែង។
ក្រោយពីយើងធ្វើដំណើរក្នុងចម្ងាយផ្លូវ៣ គីឡូម៉ែត្រកាត់ព្រៃនោះយើងនឹងត្រូវបន្ត ដំណើរដោយថ្មើរជើងវិញម្តងប្រហែលជា១គីឡូម៉ែត្រទៀតក្នុងសភាពផ្លូវ រដិបរដុបទើបបានដល់ទឹកធ្លាក់ចំបក់ដែលលាក់ខ្លួនពួនអាត្មានៅកណ្តាលព្រៃជ្រៅ។
យើងអាចធ្វើដំណើរទៅកាន់ទឹកធ្លាក់ចំបក់បានដោយចេញពីរាជធានីភ្នំពេញ តាមបណ្តោយផ្លូវជាតិលេខ៤ចុះនៅត្រែងត្រយឹងឬក៏លោកអ្នកអាចជិះឡាន ទេសចរខ្នាតតូចទៅត្រែងត្រយឹងផ្ទាល់តែម្តងទៅដល់ទឹកធ្លាក់ចំបក់ដែល មានចម្ងាយជាង២០គីឡូម៉ែត្រ លុះដល់ជើងភ្នំគិរីរម្យបត់ស្តាំតាមផ្លូវក្រួសក្រហមចម្ងាយ៨ គីឡូម៉ែត្របន្ទាប់មកយើងត្រូវបន្តដំណើរដោយការជិះរទេះគោចេញពីវត្ត ចំបក់ទៅទឹកធ្លាក់ចម្ងាយ៣ គីឡូម៉ែត្រ ៨ម៉ែត្រ ទៀតនោះយើងនឹងបានមកដល់ទឹកចំបក់ជាក់ជាមិនខានដែលស្ថិតនៅក្នុងទឹក ដីភូមិចំបក ឃុំចំបក់ ស្រុកភ្នំស្រួច ខេត្តកំពង់ស្ពឺ៕
(សរុបដោយ ហេង វុធ្ធ)
(ប្រភពព័ត៌មាន: guidetrip.pro និង everyday.com.kh)
មតិពីមិត្តអ្នកអាន