US Agency for International Development (USAID) ឆ្នាំ២០១៩ បានបង្ហាញថានៅកម្ពុជាមានរុក្ខជាតិចម្រុះប្រមាណ ២ ៣០០ប្រភេទ និងប្រភេទសត្វដូចជា ថនិកសត្វ ១២៣ប្រភេទ, សត្វស្លាបប្រមាណ៥៤៥ប្រភេទ ឧរង្គសត្វ ៨៨ប្រភេទ ជាដើម។
កម្ពុជាសម្បូរដោយជីវៈចម្រុះជិត ៤ពាន់ប្រភេទ
របាយការណ៍ជាតិលើកទី៤ ស្ដីពីជីវចម្រុះរបស់អង្គការ US Agency for International Development (USAID) ឆ្នាំ២០១៩ បានបង្ហាញថានៅកម្ពុជាមានរុក្ខជាតិចម្រុះប្រមាណ ២ ៣០០ប្រភេទ និងប្រភេទសត្វដូចជា ថនិកសត្វ ១២៣ប្រភេទ, សត្វស្លាបប្រមាណ, ៥៤៥ប្រភេទ ឧរង្គសត្វ, ៨៨ប្រភេទ, ត្រី ៨៧៤ប្រភេទ និងថលជលិក ៦៣ប្រភេទ សរុបចំនួន ៣ ៩៩៣ប្រភេទ។
ស្របពេលទិវាបរិស្ថានជាតិ និងបរិស្ថានពិភពលោក ៥ មិថុនា ក្រសួងបានកំណត់យកប្រធានបទស្របតាមពិភពលោកគឺ «អភិរក្សជីវៈចម្រុះដើម្បីយើងទាំងអស់គ្នា»។ បើតាមក្រសួងបរិស្ថានគោលបំណងបង្កើតទិវានេះ គឺដើម្បី «លើកទឹកចិត្តឲ្យសាធារណជន មានការចូលរួមកាន់តែប្រសើរឡើងថែមទៀត ក្នុងសកម្មភាពមេត្រីភាពបរិស្ថាន ជាពិសេសការចូលរួមដើម្បីអភិរក្សជីវៈចម្រុះ ក៏ដូចជាដើម្បីយើងទាំងអស់គ្នា»។
នៅភាគខាងជើង និងឦសាននៃប្រទេសកម្ពុជាមានប្រភេទព្រៃល្បោះ និងព្រៃស្រោងកំពុងគ្របដណ្ដប់ នៅភាគនិរតីមាននូវព្រៃរងទឹកភ្លៀងនៃតំបន់ជួរភ្នំក្រវាញ និងភាគកណ្ដាល មានប្រព័ន្ធផ្លូវទឹកដ៏ធំធេងនៃបឹងទន្លសាប និងទន្លេមេគង្គ។ បើតាមសំណេររបស់ក្រសួងបរិស្ថានក្នុងចំណោមរុក្ខជាតិ-សត្វទាំងនោះ មួយចំនួន ស្ថិតក្នុងប្រភេទមានដោយកម្រ និងប្រភេទជិតផុតពូជដែលមិនមាននៅតំបន់ណាផ្សេង ក្រៅពីប្រទេសកម្ពុជានោះទេ៕
（ប្រភពព័ត៌មាន: ThmeyThmey.com）
មតិពីមិត្តអ្នកអាន