លោក ហោ សារុន អនុរដ្ឋលេខាធិការក្រសួងទេសចរណ៍ រំពឹងថានៅឆ្នាំ ២០២០ កម្ពុជានឹងទទួលបានទេសចរអន្តរជាតិប្រមាណជាង ៧លាននាក់ ដោយនាំមកនូវចំណូលប្រមាណ ៥ពាន់លានដុល្លារអាមេរិក បង្កើតឱកាសការងារបានប្រមាណជិត ១លាននាក់។ ការថ្លែងដូចនេះ ក្នុងពិធីបើកសិក្ខាសាលាស្តីពី «បដិសណ្ឋារកិច្ចល្អ ទេសចរណ៍មានសុវត្ថិភាព» កាលពីថ្ងៃទី ២២ ខែតុលា កន្លងទៅ។
ភ្ញៀវទេសចរថតរូបនៅប្រាសាទអង្គវត្តដ៏ល្បីៗនៅប្រទេសកម្ពុជា (រូបថត៖ kleykley.sabay.com.kh)
លោកបានបញ្ជាក់ថានៅឆ្នាំ២០១៩ កម្ពុជារំពឹងថានឹងទទួលភ្ញៀវទេសចរអន្តរជាតិប្រមាណ ៦,៧លាននាក់ ជាក់ស្តែងក្នុងរយៈពេល ៨ខែដើមឆ្នាំ ២០១៩នេះ កម្ពុជាទទួលភ្ញៀវទេសចរបាន ៤ ៣៦០ ៣៩៧នាក់ កើន ១០,៤%។ គូសបញ្ជាក់ដែរថា នៅឆ្នាំ ២០១៨កន្លងទៅកម្ពុជាសម្រេចបានកំណើនទេសចរក្នុងអត្រាប្រមាណ ១១% ជាមួយនឹងការមកដល់នៃទេសចរអន្តរជាតិជាង ៦.២លាននាក់ និងនាំប្រាក់ចំណូលប្រមាណ ៤,៣៥៦លានដុល្លារអាមេរិក ចាក់បញ្ចូលក្នុងសេដ្ឋកិច្ចជាតិ៕
(ហេង វុធ្ធី)
(ប្រភពព័ត៌មាន: kleykley.sabay.com.kh)
មតិពីមិត្តអ្នកអាន