យុគសម័យ - ពិធីបើកសម្ពោធពិព័រណ៍ពាណិជ្ជកម្ម “EU Trade Fair 2018” ដែលរៀបចំឡើងចាប់ពីថ្ងៃទី២៩ ខែមិថុនា ដល់ថ្ងៃទី១ ខែកក្កដា ឆ្នាំ២០១៨ នៅសាលសន្និសីទកោះពេជ្រ រាធានីភ្នំពេញ។ ការតាំងពិព័រណ៍នេះត្រូវបានរៀបចំឡើងដោយ សភាពាណិជ្ជកម្មអឺរ៉ុប (EuroCham) បានរួមសហការជាមួយក្រសួងពាណិជ្ជកម្មកម្ពុជា។
ទិដ្ឋភាពនៅការតាំងពិព័រណ៌ពាណិជ្ជកម្មអឺរ៉ុបនៅកម្ពុជា (រូបថតៈ freshnewsasia.com)
ការតាំងពិព័រណ៍ពាណិជ្ជកម្មអឺរ៉ុបលើកនេះ ជាឱកាសល្អសម្រាប់វិនិយោគិនកម្ពុជានិងវិនិយោគិនអឺរ៉ុបក្នុងការពង្រឹងប្រតិបត្តិការសេដ្ឋកិច្ចជាមួយបណ្ដាប្រទេសផ្សេងៗលើពិភពលោក។ អ្វីដែលសំខាន់ទៀតនោះ ការវិនិយោគនេះមិនត្រឹមតែផ្ដល់អត្ថប្រយោជន៍ ចំពោះកម្ពុជាប៉ុណ្ណោះទេ តែនឹងផ្ដល់ដល់បណ្ដាលប្រទេសផ្សេងៗលើពិភពលោកផងដែរ។
ក្នុងពិព័រណ័នោះក៏មានការតាំងបង្ហាញនូវស្ដង់ទំនិញរបស់ក្រុមហ៊ុន ពាណិជ្ជករ និងអាជីវកររបស់សហគមអឺរ៉ុប ដែលមានក្រុមហ៊ុនសរុបចំនួន ៤៩ និងមានស្ដង់ប្រហែល ៥០ស្តង់។ ក្នុងនោះមានផលិតផលជាច្រើនប្រភេទដូចជា៖ រថយន្ត គ្រឿងសង្ហារឹម គ្រឿងអេឡិចត្រនិច កាបូប និងសម្ភារ:មួយចំនួនទៀត។
អឺរ៉ុបជាប្រទេសទី១ ដែលទទួលទិញទំនិញ ពីកម្ពុជាច្រើនជាងគេ ជាពិសេសផ្នែកសម្លៀកបំពាក់ កង់ និងស្បែកជើងជាដើម ដែលនេះជាការពង្រឹងទំនាក់ទំនងរវាកម្ពុជា-អឺរ៉ុប ឲ្យកាន់រឹងមាំបន្ថែមទៀត៕
（សរុបព័ត៌មាន ដោយ ស្រីព្រេជ）
