យុគសម័យ - នៅផ្សារទំនើបអ៊ីអនម៉ល២សែនសុខ បានសម្ពោធដាក់ឲ្យប្រើប្រាស់ជាផ្លូវការ នូវប្រព័ន្ធជួញដូរចល័ត(Mobile Trading System –MTS)
ប្រព័ន្ធជួញដូរចល័ត(MTS)នឹងអនុញ្ញាតឲ្យវិនិយោគិន ដាក់ការបញ្ជាទិញ ពិនិត្យមើលព័ត៌មាន ភាគហ៊ុនផ្ទាល់ខ្លួនរបស់ពួកគេ ឬលុបចោលការបញ្ជាទិញ ពីគ្រប់ទីកន្លែង និងគ្រប់ពេលវេលា។ គោលបំណងនៃការបើកដំណើរការប្រព័ន្ធជួញដូរចល័ត(MTS web-based system) នេះគឺដើម្បីបង្កើន ភាពងាយស្រួលសម្រាប់វិនិយោគិននិងលើកទឹកចិត្តឲ្យពួកគេដើម្បីធ្វើការជួញដូរបន្ថែមទៀតនៅលើទីផ្សារ ។គេរំពឹងថាវេទិកាពាណិជ្ជកម្មថ្មីនេះនឹងជួយបង្កើនសាច់ប្រាក់ងាយស្រួលក្នុងទីផ្សារ។
កូរ៉េនិងកម្ពុជាបានព្រមព្រៀងធ្វើការរួមគ្នា ក្នុងការបង្កើត ទីផ្សារមូលបត្រនៅកម្ពុជា ពីរដំណាក់កាល រួចមកហើយ ដែល ដំណាក់កាលទី១ចាប់ពីផ្តើមពីឆ្នាំ២០១៧ ដល់ ឆ្នាំ២០០៩ ដោយមាន ហិរញ្ញប្បទានជាជំនួយឥតសំណងចំនួន មួយលានប្រាំបីសែនដុល្លារ សហរដ្ឋអាមេរិក (១ ៨០០ ០០០ USD) និង ដំណាក់កាលទី២ ចាប់ពី ឆ្នាំ២០១៤ ដល់ ឆ្នាំ២០១៨ ដោយមានហិរញ្ញប្បទាន ជាជំនួយឥតសំណងចំនួន ពីរលានប្រាំសែនដុល្លារសហរដ្ឋអាមេរិក (២ ៥០០ ០០០ USD)។
សាធារណរដ្ឋកូរ៉េតាមរយៈ ទីភ្នាក់ងារសហប្រតិបត្តិការអន្តរជាតិកូរ៉េ (កយកា-KOICA) បានជួយ រដ្ឋាភិបាលនៃព្រះរាជាណាចក្រកម្ពុជាក្នុងការបង្កើត ក្រុមហ៊ុនផ្សារមូលបត្រកម្ពុជា (ផ.ម.ក-CSX) ដែលបានបើកឲ្យដំណើរការចាប់តាំងពីឆ្នាំ២០១២ ហើយបច្ចុប្បន្ននេះ មានក្រុមហ៊ុនបាននិងកំពុងចុះ បញ្ជីចំនួនប្រាំ(៥)រួមមាន ១)-រដ្ឋាករទឹកស្វយ័តក្រុងភ្នំពេញ(PWSA) ២)-ហ្គ្រែនធ្វីន អ៊ិនធើណេសិនណល(ខេមបូឌា)ភីអិលស៊ី(GTI) ៣)-កំពង់ផែស្វយ័តភ្នំពេញ(PPAP) ៤)-ក្រុមហ៊ុនភ្នំពេញអេសអ៊ីហ្សិត (PPSP) និង ៥)-កំពង់ផែស្វយ័តក្រុងព្រះសីហនុ (PAS)។កិច្ចព្រមព្រៀងដំណាក់កាលទី២ ត្រូវបានចុះហត្ថលេខាកាលពី ថ្ងៃទី២១ ខែកុម្ភៈ ឆ្នាំ២០១៤ រវាងទីភ្នាក់ងារសហប្រតិបត្តិការអន្តរជាតិកូរ៉េ(កយកា-KOICA)និងក្រសួងសេដ្ឋកិច្ចនិងហិរញ្ញវត្ថុ(MEF) ដែលមានគោលបំណងសំខាន់ដើម្បីទាក់ទាញក្រុមហ៊ុនបោះផ្សាយលក់មូលបត្រសាធារណៈ (IPOs)កាន់តែច្រើន និងបង្កើនបរិមាណជួញដូរនៅផ្សារហ៊ុនកម្ពុជា។ តាមរយៈដំណាក់កាលទី២នេះ កយកា-KOICA បានអនុវត្តដូចខាងក្រោម ១)-វិភាគស្ថានភាពបច្ចុប្បន្ន ២)-គោលនយោបាយ ទីផ្សារមូលធន ៣)-ប្រព័ន្ធច្បាប់ 4-ធនធានមនុស្ស និងការយល់ដឹងទីផ្សារ និង ៥)-ហេដ្ឋារចនាសម្ព័ន្ធ អាយធី យើងមាន ប្រព័ន្ធជួញដូរចល័ត(MTS) និង ជញ្ជាំងវីដេអូ (ទូរទស្សន៍តជាបណ្តាញច្រើន) និងការសាកល្បងសើវើ៕
(ប្រភព៖ rasmeinews.com ប្រែសម្រួលដោយ សំណាង)
មតិពីមិត្តអ្នកអាន