គិតត្រឹមរយៈពេល៤ខែដើមឆ្នាំនេះ កម្ពុជា សម្រេចបានចំណូលរដ្ឋបាលថ្នាក់ជាតិ ៨ ៤២៨ ២៧៧លានរៀល (ជាង២០០០លានដុល្លារ) ។ ចំនួននេះ មានការកើនឡើង១០,២៩ភាគរយទៀតផង បើធៀបនឹងរយៈពេលដូចគ្នាឆ្នាំ២០១៩។
ឯកឧត្តម អូន ព័ន្ធមុនីរ័ត្ន ឧបនាយករដ្ឋមន្ត្រីនិងជារដ្ឋមន្ត្រី ក្រសួងសេដ្ឋកិច្ច និងហិរញ្ញវត្ថុកម្ពុជា (រូបភាព៖ ហ្វេសប៊ុក ក្រសួង សេដ្ឋកិច្ច និងហិរញ្ញវត្ថុ)
នៅ៤ខែ ដំបូង នៃឆ្នាំនេះ បើទោះបីជាក្នុងកាលៈទេសៈដែលកម្ពុជាទទួលរងនូវវិបត្តិកូវីដ-១៩ក្ដី ប៉ុន្ដែ បើមើលទៅលើចំណូលថវិកាជាតិរបស់កម្ពុជា ដែលសម្រេចបាន គឺមានរហូតដល់ទៅប្រមាណជាង ៨លានលានរៀល ឬស្មើនឹងប្រមាណ ២ពាន់លានដុល្លារអាមេរិក បើធៀបនឹងរយៈពេលដូចគ្នាកាលពីឆ្នាំមុន គឺកើនឡើងជាង ១០%។ រីឯការចំណាយវិញ គឺមានរហូតដល់ទៅជាង ៧លានលានរៀល ឬស្មើនឹងប្រមាណ ១,៧ ពាន់លានដុល្លារ កើនឡើងជាង ៣១%។ នេះបើយោងតាមរបាយការណ៍របស់ក្រសួងសេដ្ឋកិច្ច និងហិរញ្ញវត្ថុ។
តាមរបាយការណ៍ក្រសួងសេដ្ឋកិច្ច និងហិរញ្ញវត្ថុបានឲ្យដឹងទៀតថា ចំពោះប្រភពចំណូលថ្នាក់ជាតិ ៤ខែឆ្នាំនេះ ដែលមានប្រមាណ ២ពាន់លានដុល្លារអាមេរិកនោះ គឺស្មើនឹង ជិត ៣៤% នៃច្បាប់ហិរញ្ញវត្ថុឆ្នាំ២០២០ ដោយចំណូលទាំងនេះ បានមកពីប្រភពចំណូលពន្ធប្រមាណជិត ៨៥% ឬស្មើនឹងប្រមាណ ១.៧០០លានដុល្លារ ចំណូលផ្សេងៗប្រមាណ ជាង ១១% និងចំណូលពីអំណោយមានប្រមាណជិត ៤%។
ដោយឡែក ចំពោះការចំណាយរដ្ឋបាលថ្នាក់ជាតិសរុប នៅ៤ខែដំបូងឆ្នាំនេះ ដែលមាន ជាង ១.៧០០ លានដុល្លារអាមេរិកនោះ គឺស្មើនឹង ជាង ២៥% នៃច្បាប់ហិរញ្ញវត្ថុឆ្នាំ២០២០ គឺត្រូវបានចំណាយទៅលើបន្ទុកបុគ្គលិក (ប្រាក់ខែមន្ត្រីរាជការ), ចំណាយលើទំនិញ និងសេវាកម្ម ចំណាយការប្រាក់ ការឧបត្ថម្ភធន អំណោយ ការឧបត្ថម្ភផ្នែកសង្គមកិច្ច និងចំណាយផ្សេងៗ។
របាយការណ៍ក្រសួងសេដ្ឋកិច្ច បានសង្កត់ធ្ងន់ដូច្នេះថា៖«គិតត្រឹមខែមេសា នៃឆ្នាំ២០២០នេះ តុល្យភាពប្រតិបត្តិការដុល(ចំណូលដកចំណាយ) មានសមតុល្យចំនួន៣,០៦៦, ០២០លានរៀល ឬបានកើនឡើង១៥,៧២ភាគរយ បើធៀបនឹងរយៈពេលដូចគ្នាក្នុងឆ្នាំ២០១៩»។
៤ខែនេះ កម្ពុជាសម្រេចចំណូលរដ្ឋបាលថ្នាក់ជាតិ ជាង២ពាន់លានដុល្លារ ខណៈកូវីដ១៩ កំពុងរាតត្បាត
ផ្អែកតាមការសន្និដ្ឋានរបស់ក្រសួងសេដ្ឋកិច្ច និងហិរញ្ញវត្ថុ តាមរយៈទិន្នន័យរយៈពេល ៤ខែ ខាងលើនេះ ការអនុវត្តចំណូលថវិការដ្ឋបាលថ្នាក់ជាតិ នៅតែទទួលបានលទ្ធផលល្អ កើនជាង ១០% ធៀបនឹងរយៈពេលដូចគ្នាកាលពីឆ្នាំ២០១៩ ស្របពេលដែលការចំណាយសរុបមានសន្ទុះគួរឲ្យកត់សម្គាល់ដែលបានកើនឡើងដល់ទៅជាង ៣១%។
ទោះជាបែបនេះក្ដី ក្រសួងសេដ្ឋកិច្ចអះអាងថា ការផ្ទុះឡើងនៃជំងឺរលាកផ្លូវដង្ហើមកូវីដ-១៩ នឹងផ្ដល់ផលប៉ះពាល់ដល់ការអនុវត្តថវិការបស់រដ្ឋបាលថ្នាក់ជាតិក្នុងឆ្នាំ២០២០នេះ។
ក្រសួងសេដ្ឋកិច្ច វាយតម្លៃថា ការអនុវត្តចំណូលថវិការដ្ឋបាលថ្នាក់ជាតិ មានលទ្ធផលល្អ ពោលគឺកើនឡើង១០,២៩ភាគរយ បើធៀបនឹងឆ្នាំ២០១៩ បើទោះចំណាយសរុបក៏មានសន្ទុះគួរឱ្យកត់សម្គាល់ ក្នុងនោះកើនឡើង ៣១,៥៦ភាគរយ។ « បើទោះបីជាការអនុវត្តចំណូល និងចំណាយសរុបមានភាពល្អ ប្រសើរក៏ដោយ តែការផ្ទុះឡើងនៃជំងឺរលាកផ្លូវដង្ហើមធ្ងន់ធ្ងរ (កូវី៥-១៩) នឹងផ្តល់ផលប៉ះពាល់ដល់ការអនុវត្តថវិការបស់ រដ្ឋបាលថ្នាក់ជាតិក្នុងឆ្នាំ២០២០»។ នេះជាការបញ្ជាក់របស់ក្រសួងសេដ្ឋកិច្ច៕
（សរុបដោយ ហេង វុធ្ធី）
មតិពីមិត្តអ្នកអាន