យោងតាមការព្យាកររបស់រាជរដ្ឋាភិបាល កំណើនសេដ្ឋកិច្ចកម្ពុជានៅឆ្នាំ២០២០ អាចធ្លាក់ចុះដល់ -១,៩% ប៉ុន្តែអាចងើបឡើងមកវិញនៅឆ្នាំ២០២១ នៅអត្រា ៣,៥% ប្រសិនបើការរីករាលដាលនៃជំងឺកូវីដ១៩ ត្រូវបានទប់ស្កាត់ប្រកបដោយប្រសិទ្ធភាព។ នេះបើសេចក្តីសង្ខេបពីលទ្ធផលការងារប្រចាំឆមាសទី១ និងទិសដៅការងារឆមាសទី២ ឆ្នាំ២០២០ របស់ធនាគារជាតិនៃកម្ពុជា កាលពីថ្ងៃទី៦ ខែកក្កដា ឆ្នាំ២០២០។
លោក ផាន់ ផល្លា រដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ (ខាងឆ្វេង)
យោងតាមការព្យាកររបស់រាជរដ្ឋាភិបាល កំណើនសេដ្ឋកិច្ចកម្ពុជានៅឆ្នាំ២០២០ អាចធ្លាក់ចុះដល់ -១,៩% ប៉ុន្តែអាចងើបឡើងមកវិញនៅឆ្នាំ២០២១ នៅអត្រា ៣,៥% ប្រសិនបើការរីករាលដាលនៃជំងឺកូវីដ១៩ ត្រូវបានទប់ស្កាត់ប្រកបដោយប្រសិទ្ធភាព។ នេះបើសេចក្តីសង្ខេបពីលទ្ធផលការងារប្រចាំឆមាសទី១ និងទិសដៅការងារឆមាសទី២ ឆ្នាំ២០២០ របស់ធនាគារជាតិនៃកម្ពុជា កាលពីថ្ងៃទី៦ ខែកក្កដា ឆ្នាំ២០២០។
ទោះយ៉ាងណា ពិភពលោកនៅប្រឈមនឹងភាពមិនច្បាស់លាស់ខ្លាំងពាក់ព័ន្ធនឹងការទប់ស្កាត់នេះ។ នៅចំពោះមុខបញ្ហាទាំងនេះ ធនាគារជាតិនៃកម្ពុចា នឹងបន្តអនុវត្តវិធានការគាំទ្រតាមការចាំបាច់ ស្របតាមគោលនយោបាយរបស់រាជរដ្ឋាភិបាល សំដៅរក្សាស្ថិរភាពម៉ាក្រូសេដ្ឋកិច្ច និងហិរញ្ញវត្ថុ រក្សាលំនឹងសង្គម-សេដ្ឋកិច្ច និងជំរុញកំណើនសេដ្ឋកិច្ច៕
រាជរដ្ឋាភិបាលកម្ពុជាបាន និងកំពុងរៀបចំច្បាប់វិនិយោគថ្មី ដើម្បីទាក់ទាញវិនិយោគបរទេសថ្មីៗបន្ថែមទៀត ខណៈដែលកន្លងមកនេះកម្ពុជា បានដាក់ចេញនូវគោលនយោបាយផ្សេងៗ ដើម្បីជួយសម្រួលដល់ឱកាសវិនិយោគនៅក្នុងប្រទេស និងទ្រទ្រង់សេដ្ឋកិច្ចជាតិ ឱ្យមានលំនឹងនៅក្នុងវិបត្តិជំងឺ Covid-19 ដែលកំពុងរាលដាលជាសាកល។លោក ផាន់ ផល្លា រដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុនៅក្នុងសន្និសីទស្តីពីវិធានការទ្រទ្រង់ស្តារ និងជំរុញកំណើនសេដ្ឋកិច្ច និងកម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះ របស់រាជរដ្ឋាភិបាលកម្ពុជានាព្រឹកថ្ងៃទី៨ ខែកក្កដា ឆ្នាំ២០២០នេះឱ្យដឹងថា ច្បាប់វិនិយោគថ្មីនេះដែលរាជរដ្ឋាភិបាលបាននឹងកំពុងធ្វើនេះ គឺក្នុងគោលបំណងទាក់ទាញវិនិយោគបន្ថែម ខណៈដែលបច្ចុប្បន្ន មានចលនារោងចក្រនៅក្នុងប្រទេស និងក្រៅប្រទេស។
លោកបន្តថា “ច្បាប់យើងនេះយើងធ្វើយ៉ាងម៉េចឱ្យមានវិស័យថ្មីៗ ដូចជាវិស័យមិនមែនជាវិស័យកាត់ដេរ ក្នុងន័យនោះវិស័យកាត់ដេរក៏យើងនៅតែទាក់ទាញ វិស័យទេសចរណ៍ក៏នៅតែទាក់ទាញ តែវិស័យផ្សេងទៀតដែលយើងមិនទាន់បានអភិវឌ្ឍន៍ យើងទាក់ទាញពួកគាត់ឱ្យវិនិយោគនៅក្នុងប្រទេស” ។
ទីក្រុងភ្នំពេញមើលពីអាកាស
លោកបន្ថែមថា “ច្បាប់វិនិយោគថ្មីនេះផងដែរ ក៏នឹងចូលរួមដោះស្រាយបញ្ហាចាស់ដែលមានពីកន្លងមកនេះ ហើយមិនទាន់ដោះស្រាយ ហើយនៅពេលមានច្បាប់ថ្មីនេះចេញទៅយើងរំពឹងថា វានឹងផ្តល់បរិយាកាសល្អដល់ធុរកិច្ច” ។ លោកបន្តថា “ខ្ញុំគិតថា វិនិយោគិន នឹងមិនមានបញ្ហាច្រើននោះទេ នៅពេលដែលគេមកវិនិយោគនៅក្នុងប្រទេសកម្ពុជាយើង” ។
តែយ៉ាងណាក៏ដោយ លោកបញ្ជាក់ថា ច្បាប់វិនិយោគថ្មីនេះ មិនទាន់កំណត់ពេលវេលាក្នុងការបញ្ចប់នៅពេលណានោះទេ ដោយត្រូវឆ្លងទៅតាមដំណាក់ ប៉ុន្តែប្រហែលមិនយូនោះទេ ព្រោះកិច្ចការងារនេះ ជាការប្រញាប់ បើយើងនៅតែពន្យាពេលទៀត យើងមិនអាចទាក់ទាញវិនិយោគថ្មីៗបន្ថែមទៀតទេ នៅក្នុងអំឡុងពេលមានវិបត្តិនេះ។
សេដ្ឋកិច្ចពិភពលោកកំពុងទទួលរងផលប៉ះពាល់ធ្ងន់ធ្ងរ ពីការរីករាលដាលជំងឺ Covid-19 ហើយសេដ្ឋកិច្ចកម្ពុជាក៏បាន និងកំពុងទទួលឥទ្ធិពលអវិជ្ជមាននេះផងដែរ ពិសេសវិស័យទេសចរណ៍ កម្មន្តសាល និងសំណង់។
រាជរដ្ឋាភិបាលក្រោមការដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានដាក់ចេញវិធានការ ប្រកបដោយប្រសិទ្ធភាព ក្នុងការទប់ស្កាត់ ការឆ្លងជំងឺកូវីដ១។ ជាមួយគ្នានេះ វិធានការគាំទ្រ ចំពោះវិស័យដែលប៉ះពាល់ និងប្រជាពលរដ្ឋងាយរងគ្រោះ ត្រូវបានដាក់ជាបន្តបន្ទាប់ ដែលបានកាត់បន្ថយផលប៉ះពាល់ និងរក្សានិរន្តរភាពនៃអាជីវកម្ម ព្រមទាំងជីវភាពរស់នៅរបស់ប្រជាពលរដ្ឋ។
ព្រះបរមរាជវាំងនៅទីក្រុងភ្នំពេញ
លោក វង្សី វិស្សុត រដ្ឋលេខាធិការប្រចាំការ ក្រសួងសេដ្ឋកិច្ច និងហិរញ្ញវត្ថុ ឱ្យដឹងដែរថា ដោយសារតែវិបត្តិនៃជំងឺ Covid-19 បានធ្វើឲ្យសេដ្ឋកិច្ចរបស់កម្ពុជា ថមថយចុះមិនធ្លាប់មានរយៈពេល២០ឆ្នាំក្នុងក្រោយនេះ ខណៈនៅឆ្នាំ២០២០នេះ រាជរដ្ឋភិបាលព្យាការណ៍ជំហានដំបូងថា សេដ្ឋកិច្ចរបស់កម្ពុជានឹងធ្លាក់ចុះ-១.៩ភាគរយ ខណៈសេដ្ឋកិច្ចពិភពលោកវិញ ត្រូវបានគេព្យាករណ៍ថានឹងធ្លាក់ចុះ -៥ភាគរយ។
លោកបន្តថា “ស្ទើរតែគ្រប់វិស័យបានរងផលប៉ះពាល់ ដោយសារជំងឺកូវីដ១៩ លើកលែងតែវិស័យកសិកម្ម ដែលមានចំណែកជួយសេដ្ឋកិច្ច២៥% វិស័យបច្ចេកវិទ្យា និងវិស័យផលិតអាហារ ដែលមិនរងផលប៉ះពាល់ ដោយសារដោយជំងឺCovid-19”។ លោកបន្តថា “សេដ្ឋកិច្ចរបស់កម្ពុជា នៅពេលនេះគឺសេដ្ឋកិច្ចដែលខិតខំរស់ តែការរស់នេះមិនមែនចាំថ្ងៃស្លាប់នោះទេ គឺរស់ដើម្បីរង់ចាំពេលដើរ និងរត់ឡើងវិញ” ។
លោក វង្សី វិស្សុតបានបន្ថែមថា យុទ្ធសាស្ត្រដែលរាជរដ្ឋាភិបាលជ្រើសរើស ដើម្បីគ្រប់គ្រងសេដ្ឋកិច្ច សង្គម នៅពេលនេះ គឺជាយុទ្ធសាស្ត្រ “មួយពេលរស់សិន កុំឲ្យស្លាប់” ដោយមិនឱ្យមានប្រជាពលរដ្ឋណាម្នាក់អត់បាយ ស្លាប់ដោយជំងឺ Covid-19 គឺយុទ្ធសាស្ត្រយកជីវិតមនុស្សជាធំ ហើយការរស់នេះមិនមែនសំដៅរស់រង់ចាំថ្ងៃស្លាប់នោះទេ គឺរស់ដើម្បីពេលចប់ Covid-19 កម្ពុជានឹងងើបឡើងវិញ។ លោកបបញ្ជាក់ថា “យុទ្ធសាស្ត្រនេះ គឺជាយុទ្ធសាស្ត្រដែលធ្វើឡើងស្របតាមសភាពការណ៍ ប្រែប្រួលរបស់ពិភពលោក ហើយទាមទារឲ្យកម្ពុជា មានការផ្លាស់ប្តូរ កែតម្រូវឲ្យសមស្រប និងទាន់ពេលវេលា” ៕
(សរុបដោយ ហេង វុធ្ធី)
(ប្រភពព័ត៌មាន: propertyarea.asia និង kleykley.sabay)
មតិពីមិត្តអ្នកអាន