ក្នុងជំនួបពិភាក្សាការងារជាមួយឯកអគ្គរាជទូតនៃប្រទេសអារ៉ាប៊ីសាអូឌីតប្រចាំកម្ពុជា កាលពីរសៀលថ្ងៃទី០៥ ខែកញ្ញា លោក កឹម ស៊ីថន ក៏បានស្នើសុំឱ្យភាគីទាំងពីរ ចុះកិច្ចព្រមព្រៀងចំនួន២ គឺ៖ ១.កិច្ចព្រមព្រៀងស្តីពីពាណិជ្ជកម្ម ២.កិច្ចព្រមព្រៀងស្តីពីកិច្ចការពារវិនិយោគទៅវិញទៅមក ដើម្បីបង្កើនទំហំពាណិជ្ជកម្ម និងវិនិយោគនៃប្រទេសទាំងពីរ ។
ឯកអគ្គរាជទូតនៃប្រទេសអារ៉ាប៊ីសាអូឌីតប្រចាំកម្ពុជានិងលោក កឹម ស៊ីថន រដ្ឋលេខាធិការក្រសួងពាណិជ្ជកម្មកម្ពុជា
រដ្ឋលេខាធិការក្រសួងពាណិជ្ជកម្មកម្ពុជាបានបង្ហាញការគាំទ្រចំពោះឯកអគ្គរាជទូតអារ៉ាប៊ីសាអូឌីត ដែលមានគម្រោងនាំចូលផលិតផលប្រេងឥន្ធនៈ ហ្គាស និងទំនិញប្រើប្រាស់ដទៃទៀត ពីប្រទេសអារ៉ាប៊ីសាអូឌីត មកកាន់ប្រទេសកម្ពុជា ។
ក្នុងជំនួបពិភាក្សាការងារជាមួយឯកអគ្គរាជទូតនៃប្រទេសអារ៉ាប៊ីសាអូឌីតប្រចាំកម្ពុជា កាលពីរសៀលថ្ងៃទី០៥ ខែកញ្ញា លោក កឹម ស៊ីថន ក៏បានស្នើសុំឱ្យភាគីទាំងពីរ ចុះកិច្ចព្រមព្រៀងចំនួន២ គឺ៖ ១.កិច្ចព្រមព្រៀងស្តីពីពាណិជ្ជកម្ម ២.កិច្ចព្រមព្រៀងស្តីពីកិច្ចការពារវិនិយោគទៅវិញទៅមក ដើម្បីបង្កើនទំហំពាណិជ្ជកម្ម និងវិនិយោគនៃប្រទេសទាំងពីរ ។
ទន្ទឹមគ្នានោះ លោកឯកអគ្គរាជទូតនៃប្រទេសអារ៉ាប៊ីសាអូឌីតប្រចាំកម្ពុជាក៏បានបញ្ជាក់ថា បច្ចុប្បន្នប្រទេសអារ៉ាប៊ីសាអូឌីត ត្រូវការកម្លាំងពលកម្មច្រើនពីកម្ពុជា និងមានបំណងនាំចូលផលិតផលកសិកម្មរបស់កម្ពុជាដូចជាអង្ករ ដំឡូងមី ជ័រកៅស៊ូ ម្រេច និងវត្ថុធាតុដើមផ្សេងទៀត ទៅផ្គត់ផ្គង់តម្រូវការទីផ្សាររបស់ខ្លួនផងដែរ ដើម្បីជំរុញទំហំពាណិជ្ជកម្មទ្វេភាគី ។
លោកឯកអគ្គរាជទូតបានថ្លែងអំណរគុណដល់លោករដ្ឋលេខាធិការ ដែលបានផ្តួចផ្តើមឱ្យមានការចុះកិច្ចព្រមព្រៀងទាំងពីរខាងលើ ហើយតាមរយៈឯកសារនេះ អារ៉ាប៊ីសាអូឌីត សង្ឃឹមថានឹងជួយបង្កើនការផ្លាស់ប្តូរដំណើរទស្សនកិច្ចទៅវិញទៅមក រវាងស្ថាប័នរដ្ឋ និងវិស័យឯកជននៃប្រទេសទាំងពីរ ។
ក្នុងជំនួបនោះ លោករដ្ឋលេខាធិការក្រសួងពាណិជ្ជកម្មកម្ពុជា ក៏បានស្នើលោកឯកអគ្គរាជទូត ជួយកៀរគរវិនិយោគិន និងធុរជន ព្រមទាំងប្រជាជនអារ៉ាប៊ីសាអូឌីត ចូលមកទស្សនាប្រទេសកម្ពុជា ដើម្បីស្វែងយល់ពីសក្តានុពលវិនិយោគ និងឱកាសធ្វើធុរកិច្ច ក៏ដូចជាវិស័យទេសចរណ៍ និងវប្បធម៌ ដោយសារតែកម្ពុជា សម្បូរទៅដោយតំបន់ទេសចរណ៍បែបធម្មជាតិ និងបែបវប្បធម៌ប្រវត្តិសាស្ត្រ ជាច្រើន៕
（សរុបដោយវិច្ឆិកា）
មតិពីមិត្តអ្នកអាន