យុគសម័យ - នាថ្ងៃទី ៤ ខែមិថុនាបានដកស្រង់សម្តី លោក ម៉ាក់ នី ប្រធានសហព័ន្ធម្រេច និងគ្រឿងទេសកម្ពុជា (CPSF) ប្រសាសន៍ថាតម្លៃម្រេចនៅក្នុងប្រទេសនេះបានកើនឡើងជា លើកដំបូងចាប់តាំងពីឆ្នាំ ២០១៨ ដោយសារតែតម្រូវការខ្ពស់ពីប្រទេសវៀតណាម។ តម្លៃទំនិញនៅកម្ពយជាបានកើនឡើងពី ៩,០០០ រៀល (២,១៩ ដុល្លារ) ដល់ ១១,០០០ រៀល (២,៦៧ ដុល្លារ) / ៥៥០ ង្រាម។
តម្លៃម្រេចកម្ពុជាបានកើនឡើងដោយសារតែតម្រូវការខ្លាំងពីប្រទេសវៀតណាម
បើតាមលោក ម៉ាក់ នី ប្រធានសហព័ន្ធម្រេច និងគ្រឿងទេសកម្ពុជា (CPSF) តម្លៃម្រេចនៅ កម្ពុជាបានចាប់ផ្តើមកើនឡើងចាប់ពីដើមខែឧសភាឆ្នាំ ២០២០ បន្ទាប់ពីការប្រមូលផលម្រេច នៅប្រទេសវៀតណាមបានបញ្ចប់នៅខែមេសាឆ្នាំ ២០២០។
ប្រធាន ម៉ាក់នី បានពន្យល់ថា“ ខ្ញុំគិតថាវាអាចទៅរួចដែលថាការប្រមូលផលម្រេចនៅប្រទេសវៀតណាមនៅឆ្នាំនេះមានកម្រិតទាបដូច្នេះពួកគេមានការព្រួយបារម្ភអំពីកង្វះខាតការផ្គត់ផ្គង់។ ដោយសារតែប្រទេស វៀតណាមគឺជាប្រទេសចែកចាយធំពួកគេបានទិញម្រេចជាច្រើនពីពួកយើងសម្រាប់ស្តុក។ នោះហើយជាមូលហេតុដែលបញ្ជាក់ថាតម្លៃម្រេចកំពុងកើនឡើងយ៉ាងឆាប់រហ័សនៅពេលនេះ។
អ្នកស្រាវជ្រាវសេដ្ឋកិច្ចកសិកម្មនិងជាម្ចាស់កសិដ្ឋានដាំម្រេចមួយកន្លែងនៅក្នុងខេត្តមណ្ឌលគីរីលោក ច័ន្ទ សុផល បានមានប្រសាសន៍ថាម្រេចកម្ពុជាពឹងផ្អែកយ៉ាងខ្លាំងលើឈ្មួញវៀតណាម។
លោកបានថ្លែងថាប្រសិនបើទីផ្សារម្រេចឡើងថ្លៃនៅក្នុងប្រទេសវៀតណាមដែលបណ្តាលមកពីតម្រូវការខ្ពស់នៅក្នុងខ្សែសង្វាក់នោះ វានឹងជះឥទ្ធិពលយ៉ាងខ្លាំងដល់កសិករក្នុងស្រុក។
លោក ច័ន្ទ សុផល បានបន្តឲ្យដឹងថា ដំណាំនេះជួបនឹងបញ្ហាគ្រោះរាំងស្ងួតនាពេលបច្ចុប្បន្ន ដូចនេះហើយវាមិនអាចផ្តល់ទិន្នផលខ្ពស់សម្រាប់ឆ្នាំនេះបានទេ។ ជាមួយគ្នានេះផងដែរ ស្តុកដែលបានមកពីការប្រមូលផលនាពេលថ្មីៗនេះក្នុងខែមីនានិងមេសាក៏ជិតលក់អស់ហើយផងដែរដោយសារតែវាមានតម្លៃទាប។
លោក ប៉ោ គង់ ម្ចាស់កសិដ្ឋានដាំដុះម្រេច Orchel Farm Co ជាក្រុមហ៊ុនម្រេចសរីរាង្គក្នុងស្រុកមួយបានធ្វើការលើកឡើងស្រដៀងគ្នាថា កសិករ ៨០ ភាគរយបានឈប់ដាំម្រេចដោយសារតែមិនទទួលបានប្រាក់ចំណូលពីការដាំដំណាំមួយនេះ។
យោងតាមក្រសួងកសិកម្ម រុក្ខាប្រមាញ់ និងនេសាទ បានឲ្យដឹងថា ម្រេចកម្ពុជាត្រូវបាននាំចេញទៅកាន់ទីផ្សារបរទេសចំនួន ១៣ ក្នុងរយៈពេល ៤ ខែដើមឆ្នាំនេះ។
ម្រេចកម្ពុជាចំនួនប្រមាណជា ២,២៥០ តោនត្រូវបាននាំចេញទៅកាន់ប្រទេសជប៉ុន បែលហ្ស៊ិក ហូឡង់ បារាំង អាល្លឺម៉ង់ ស្វ៊ីស វៀតណាម សហរដ្ឋអាមេរិក រុស្ស៊ី អង់គ្លេស ឥណ្ឌា បេឡារុស្ស និងកូរ៉េខាងត្បូង៕
(ប្រែសម្រួលដោយ ហេង វុធ្ធី)
(ប្រភពព័ត៌មាន: baotintuc.vn)
មតិពីមិត្តអ្នកអាន