នៅក្នុងកិច្ចប្រជុំនាពេលថ្មីៗនេះ រវាងលោក ឃួង ស្រេង អភិបាល នៃគណៈអភិបាលរាជធានីភ្នំពេញ និងលោកស្រីចាន់ សុធា តំណាងសម្ព័ន្ធក្រុមហ៊ុនចិន China Good Car Investment (Cambodia) បានជូនដំណឹងថា រដ្ឋបាលភ្នំពេញគ្រោងនឹងកសាងចំណតរថយន្តក្រោមដីដ៏ទំនើប ដែលមានតម្លៃសរុបចំនួន ១៦០ លានដុល្លារអានេរិក នៅ ៣ ទីតាំង។
គម្រោងកសាងចំណតរថយន្តក្រោមដីដ៏ទំនើប ឆ្លើយតបទៅនឹងតម្រូវការអភិវឌ្ឍន៍របស់រាជធានី
នៅក្នុងជំនួបនោះ លោកស្រី ចាន់ សុធា បានគូសបញ្ជាក់ថាការវិនិយោគនេះមានគោលបំណងក្នុងការឆ្លើយតបទៅនឹងតម្រូវការនានាដែលកំពុងរីកចម្រើនរបស់រាជធានី ក៏ដូចជាចូលរួមចំណែកក្នុងការធ្វើឱ្យការរស់នៅក្នុងទីក្រុងកាន់តែមានភាពទំនើបឡើង។ចំណតរថយន្តក្រោមដីដែលត្រូវបានគ្រោងទុកទាំងនេះមានទីតាំងស្ថិតនៅក្នុងតំបន់ចំនួនបីផ្សេងៗគ្នា គឺទី១ នៅរង្វង់មូលកួរស្រូវដែលតភ្ជាប់ជាមួយព្រំប្រទល់ខេត្តកណ្តាល ទី ២ នៅផ្លូវជាតិលេខ ៦ និងទីតាំងចុងក្រោយនៅជាយក្រុងភ្នំពេញ។
វិឯខ្លួនវិញ លោក ឃួង ស្រេង បានស្វាគមន៍ការវិនិយោគរបស់ក្រុមហ៊ុនចិនមួយនេះនិងលើកទឹកចិត្តដល់ក្រុមហ៊ុនឱ្យធ្វើការសិក្សាលម្អិតលើគម្រោងវិនិយោគនេះ៕
(សរុបដោយសាមេត)
មតិពីមិត្តអ្នកអាន