គណបក្សប្រជាជនកម្ពុជា ប្រកាសផ្អាករៀបចំពិធីជួបជុំ ឬមិទ្ទីញ ដើម្បីអបអរសាទរខួបលើកទី៦៩ ថ្ងៃបង្កើតគណបក្ស ដែលនឹងត្រៀមរៀបចំនៅថ្ងៃទី២៨ ខែមិថុនា ឆ្នាំ២០២០ ខាងមុខនេះ ដោយសារជំងឺ COVID-19។
គណបក្សប្រជាជនកម្ពុជា សម្រេចផ្អាកការប្រារព្ធខួបលើកទី៦៩ ការបង្កើតគណបក្ស។ )រូបថត៖ freshnews)
គណបក្សប្រជាជនកម្ពុជា មានឈ្មោះដើមថា បក្សប្រជាជនបដិវត្តន៍កម្ពុជា។ គណបក្សនេះបានបដិសន្ធិឡើងនៅថ្ងៃទី២៨ ខែមិថុនា ឆ្នាំ១៩៥១ ដោយមានប្រភពពីចលនាតស៊ូ របស់ប្រជាជនកម្ពុជា ប្រឆាំងពួកអាណានិគមនិយមដើម្បីឯករាជ្យជាតិ។គណបក្សប្រជាជនកម្ពុជាបានប្រកាន់ខ្ជាប់ឥតប្រែប្រួលនូវសារជាតិរបស់ខ្លួន ជាគណបក្សរបស់ប្រជាជន អាស្រ័យដោយប្រជាជន និងដើម្បីប្រជាជន ហើយបានសម្រចសមិទ្ធផលធំៗជាច្រើនជូនជាតិ។ ក្នុងឆ្នាំ២០២០នេះ ដោយសារស្ថានភាពនៃការរីករាលដាលនៃជំងឺ COVID-19 វិវត្តយ៉ាងស្មុគស្មាញ ដូច្នេះ គណបក្សប្រជាជនកម្ពុជា សម្រេចផ្អាកការប្រារព្ធខួបលើកទី៦៩។
ប៉ុន្តែបើទោះបីផ្អាកការជួបជុំគ្នាដូចបណ្តាលឆ្នាំមុនៗក្តី គណបក្សប្រជាជនកម្ពុជា តម្រូវឱ្យគណៈកម្មាធិការគណបក្សគ្រប់ជាន់ថ្នាក់ ត្រូវបន្តរៀបចំផ្សព្វផ្សាយ Logo គណបក្សខួបលើកទី៦៩ ដែលមានភ្ជាប់ជាមួយនេះនៅតាមទីកន្លែងជាក់ស្តែង និងតាមការអនុញ្ញាតនៃច្បាប់ ដូចដែលធ្លាប់បានធ្វើជារៀងរាល់ឆ្នាំកន្លងមក៕
(បូកសរុបដោយឌីណា)
មតិពីមិត្តអ្នកអាន