រដ្ឋាភិបាលកម្ពុជា សម្រេចផ្តល់ការអនុញ្ញាតឲ្យនាំចេញអង្ករស (អង្ករធម្មតា) ជាបណ្តើរៗឡើងវិញ តាមកិច្ចសន្យាបញ្ជាទិញពីក្រៅប្រទេស ដោយគិតចាប់ពីថ្ងៃទី២០ ខែឧសភា ឆ្នាំ២០២០ទៅ។
ការនាំចេញអង្ករ។ (រូបពីសហព័ន្ធស្រូវអង្ករកម្ពុជា)
លោក អូន ព័ន្ធមុនីរ័ត្ន ជូនដំណឹងនេះ ទៅលោក សុង សារ៉ន ក្រោយពីទទួលបានចំណារយល់ព្រមពីសម្តេចនាយករដ្ឋមន្រ្តី។ សហព័ន្ធស្រូវអង្ករកម្ពុជា ជាអ្នកដាក់សំណើទៅរដ្ឋាភិបាល ក្នុងការស្នើសុំនាំចេញអង្ករទៅក្រៅប្រទេសឡើងវិញ។
កាលពីថ្ងៃទី៥ ខែមេសា ឆ្នាំ២០២០ រដ្ឋាភិបាលកម្ពុជា បានបិទការនាំចេញអង្ករស និងស្រូវ ទៅកាន់ទីផ្សារបរទេស។ តែកាលនោះ រដ្ឋាភិបាល ពុំបានបានបិទការនាំចេញអង្ករក្រអូបឡើយ។
សូមរំលឹកថា ដោយសារការរាតត្បាតនៃវីរុសកូវីដ១៩ កាលពីចុងខែមីនាកន្លងទៅ លោកនាយករដ្ឋមន្ត្រី ហ៊ុន សែន បានប្រកាសផ្អាកនាំអង្ករស និងស្រូវចេញទៅបរទេស ដើម្បីរក្សាស្បៀងទុកផ្គត់ផ្គង់ក្នុងស្រុក ដែលបទបញ្ជានេះត្រូវបានអនុវត្តចាប់ពីថ្ងៃទី៥ខែមេសាមក។ ក៏ប៉ុន្តែប្រភេទអង្ករក្រអូប មិនត្រូវបានហាមឃាត់នោះទេ។
ចំពោះត្រី រដ្ឋាភិបាល មិនទាន់សម្រេចឡើយថា អនុញ្ញាតឲ្យនាំចេញទៅក្រៅប្រទេសវិញនៅពេលណា៕
（បូកសរុបដោយឌីណា）
មតិពីមិត្តអ្នកអាន