លោកវរសេនីយ៍ឯក ពៅ មុនីជោតិ នាយប៉ុស្តិ៍នគរបាលច្រកទ្វារព្រំដែនអន្តរជាតិ ភ្នំដី បានអញ្ជើញចូលរួមក្នុងជំនួបពិភាក្សា ជុំវិញកិច្ចសហប្រត្តិបត្តិការលើការងារព្រំដែន រវាងកង កម្លាំងមានសមត្ថកិច្ចពាក់ព័ន្ធកម្ពុជា-ថៃ នៅអគារទំនាក់ទំនងទាហានឈុតខ្មៅថៃ ប្រចាំច្រក ទ្វារព្រំដែនអន្តរជាតិបានខៅឌីន ប្រទេសថៃនៅព្រឹកថ្ងៃទី០៤ ខែមិថុនា ឆ្នាំ២០២០។ នេះបើតាមផេកអគ្គនាយកដ្ឋានអន្តោប្រវេសន៍។
កងកម្លាំងមានសមត្ថកិច្ចកម្ពុជា-ថៃ ពិភាក្សាជុំវិញកិច្ចសហប្រត្តិបត្តិការលើការងារព្រំដែន
ក្នុងជំនួបពិភាក្សា ជុំវិញកិច្ចសហប្រត្តិបត្តិការ លើការងារព្រំដែន រវាងកងកម្លាំងមានសមត្ថកិច្ចពាក់ព័ន្ធកម្ពុជា-ថៃ ធ្វើឡើងតាមការអញ្ជើញ របស់លោកវរសេនីយ៍ឯក RONNARONG SENGMI មេបញ្ជាការវរៈសេនាធំ ឈុតខ្មៅថៃលេខ១៣ ដែលទើបផ្លាស់ចូលកាន់តំណែងថ្មី ហើយភាគីកម្ពុជា ក៏មានការអញ្ជើញចូលរួមដោយ លោកអធិការនគរបាលស្រុកសំពៅលូន , លោកមេបញ្ជាការកងវរៈសេនាតូចលេខ១ , លោកមេបញ្ជាការវរៈសេនាតូច នគរបាលការពារព្រំដែនគោកលេខ៨១៧។
ភាគីទាំងពីរ ក៏បានលើកឡើង នូវខ្លឹមសារសំខាន់ៗ ក្នុងកិច្ចជំនួបពិភាក្សានេះមាន៖ ១. រួមគ្នាទប់ស្កាត់ ការរីករាលដាលជំងឺកូវីដ-១៩, ២. សហការទប់ស្កាត់ ការលួចឆ្លងដែនខុសច្បាប់នានា និងជាពិសេសស្នើសុំសមត្ថកិច្ចថៃ សម្របសម្រួលធ្វើការចាត់បញ្ជូនត្រឡប់មកកម្ពុជាវិញ ចំពោះបងប្អូនប្រជាពលរដ្ឋខ្មែរ ដែលសមត្ថកិច្ចថៃចាប់ឃាត់ខ្លួន បាននៅពេលឆ្លងកាត់ ចូលទៅប្រទេសថៃ តាមច្រករបៀងនានា និង៣. បន្តបង្កើនកិច្ចសហប្រត្តិបត្តិការល្អ រវាងភាគីទាំងពីរ កម្ពុជា-ថៃ៕
（ប្រភពព័ត៌មាន: AKP）
មតិពីមិត្តអ្នកអាន