ក្នុងរយៈពេល៣ខែដើម ឆ្នាំ២០១៨ ភ្ញៀវទេសចរ ក្នុងតំបន់អាស៊ាន បានមកកម្សាន្តនៅកម្ពុជាសរុប ៤៤,៥ម៉ឺននាក់ ថយចុះជិត ៣ភាគរយ ធៀបនឹងរយៈពេលដូចគ្នា កាលពីឆ្នាំ២០១៧ ។ នេះបើតាមទិន្នន័យរបស់ក្រសួងទេសចរណ៍កម្ពុជា។
រូបថតៈ ថ្មីថ្មី
ក្នុងចំណោមទេសចរក្នុងតំបន់អាស៊ាន ដែលបានមកទស្សនាកម្ពុជា ក្នុងត្រីមាសទី១ ឆ្នាំនេះ ទេសចរវៀតណាមឈរនៅមុខគេ ដែលមានចំនួនជាង ១៧ម៉ឺននាក់ បន្ទាប់មកឡាវជាង ១១ម៉ឺននាក់, ថៃ៧,៤ម៉ឺននាក់, ម៉ាឡេស៊ីជិត ៤ម៉ឺននាក់, សិង្ហបុរី ១,៧៧ម៉ឺននាក់, ហ្វីលីពីន ១,៧៤ម៉ឺននាក់, ឥណ្ឌូនេស៊ី ៨៦៦៥នាក់, មីយ៉ាន់ម៉ា ៤២៩៧នាក់, ព្រុយណេមានចំនួន ១៨៣នាក់។កម្ពុជាទទួលបានភ្ញៀវទេសចរអន្តរជាតិ សរុបចំនួន ១,៦លាននាក់ ក្នុងត្រីមាសទី១ ឆ្នាំនេះ ពោលមានកំណើនជាង ១១ភាគរយ៕
(ប្រភពព័ត៌មាន: thmeythmey.com)