យុគសម័យ - ដំណើរការនៃការកសាងឡើងវិញបានជួយឱ្យប្រទេសកម្ពុជាងើបឡើងវិញពីរបបប្រល័យពូជសាសន៍ប៉ុលពត ហើយបានស្ដារឡើងវិញនិងធ្វើអាជីវកម្មនូវភាពស្រស់ស្អាតរបស់ខ្លួន។
ប្រាសាទអង្គរវត្តមានសម្រស់ស្អាតត្រកាលនិងជាកន្លែងទាក់ទាញភ្ញៀវទេសចរលំដាប់កំពូលនៅក្នុងប្រទេសកម្ពុជា
ប្រាសាទបាយ័នគឺជាផ្នែកមួយនៃតំបន់អង្គរដ៏ល្បីល្បាញនៅទូទាំងពិភពលោក។ ប្រាសាទបាយ័នស្ថិតនៅចំកណ្តាលនៃក្រុងអង្គរធំ។ ប្រាសាទនេះមាន តួប៉មនីមួយៗ មានមុខបួន ដែលមានកំពូល ៤៩ និងកំពូលក្លោងទ្វារចូល ៥ ទៀត សរុបទាំងអស់ ៥៤ កំពូល ដែលតំណាងឲ្យខេត្តក្រុងខ្មែរ ទាំង ៥៤ នៅសម័យកាលនោះ។ ប្រាសាទបាយ័នមានប្លង់បីជាន់។ ជាន់ទី ១ និងទី ២ មានថែវដែលមានចម្លាក់ដ៏ល្អ។
ប្រាសាទបន្ទាយស្រីគឺជាប្រាង្គប្រាសាទមួយក្នុងចំណោមប្រាសាទជាច្រើននៅ ខេត្តសៀមរាប អង្គរដ៏ល្បីល្បាញនៅក្នុង ប្រទេសកម្ពុជា ក៏ដូចជានៅលើ ពិភពលោកដែរ ដែលបានទាក់ទាញភ្ញៀវទេសចរជាតិ និងអន្តរជាតិយ៉ាងច្រើនកុះករមកពីតំបន់ជាច្រើន។
កោះកេរ្តិ៍ គឺជារាជធានីចាស់បុរាណ មានអាយុប្រមាណជាង ១០០០ឆ្នាំ មកហើយ។ ប្រាសាទនៅតំបន់កោះកេរ្តិ៍ភាគច្រើនត្រូវបានកសាងឡើងក្នុងរជ្ជកាលព្រះបាទជ័យវរ្ម័នទី៤ ក្នុងសតវត្សរ៍ទី១០ (៩២៨-៩៤២)។ សព្វថ្ងៃនេះតំបន់អភិរក្ស ប្រាសាទកោះកេរ្តិ៍បានគ្របដណ្តប់លើផ្ទៃដីចំនួន ៨៤ គីឡូម៉ែត្រក្រឡា ស្មើនិងជាង៨០០០ហិកតា។ ដើម្បីការអភិរក្ស និងថែរក្សាឲ្យបានកាន់តែដិតដល់និងមានប្រសិទ្ធិភាព តំបន់កោះកេរ្តិ៍ ត្រូវបានរាជរដ្ឋាភិបាលកម្ពុជា រៀបចំឯកសារដើម្បីស្នើសុំដាក់បញ្ចូលទៅក្នុងសម្បត្តិបេតិកភ័ណ្ឌពិភពលោក
ទីរួមខេត្តក្រចេះ មានទីតាំងនៅលើច្រាំងទន្លេមេគង្គ។ កន្លែងនេះល្បីល្បាញដោយសារត្រីផ្សោត
ស្ថានីយ៍ភ្នំបូកគោ ត្រូវបានសាងសង់ឡើងដោយជនជាតិបារាំងក្នុងទសវត្សឆ្នាំ ១៩២០ ដែលត្រូវបានគេចាត់ទុកដូច ជាកន្លែងមួយដើម្បីគេចចេញពីកំដៅនៃរាជធានីភ្នំពេញ។
វត្តប្រាក់ (ព្រះវិហារព្រះកែវមរកត)ស្ថិតនៅក្នុងបរិវេណព្រះបរមរាជវាំងក្នុងរាជធានីភ្នំពេញ។
បឹងទន្លេសាបគឺជាបឹងទឹកសាបធំបំផុតនៅអាស៊ីអាគ្នេយ៍។ បឹងនេះមានតួនាទីសំខាន់សម្រាប់ប្រទេសកម្ពុជា។
ក្រុងព្រះសីហនុ (ឬកំពង់សោម) គឺជាទីក្រុងកំពង់ផែនិងរមណីយដ្ឋានឆ្នេរមួយនៅលើឈូងសមុទ្រថៃដែលមានឆ្នេរខ្សាច់ពណ៌សនិងកោះត្រូពិចមួយចំនួន
ប្រាសាទព្រះវិហារមានទីតាំងស្ថិតនៅតាមព្រំដែនរវាងកម្ពុជានិងថៃ។ ប្រាសាទនេះភាគច្រើនត្រូវបានសាងសង់ឡើងនៅសតវត្សទី ១១ និងទី ១២ ។ នៅឆ្នាំ ២០០៩ ថៃនិងកម្ពុជា ធ្លាប់មានជម្លោះដោយសារតែប្រាសាទនេះផងដែរ។
(យោងតាម vov.vn ប្រែសម្រួលដោយស្រីពេជ្រ)
មតិពីមិត្តអ្នកអាន