អនុរដ្ឋមន្រ្តីការបរទេសលោក To Anh Dung ជួបធ្វើការនៅអង់គ្លេសអំពីករណីអ្នកស្លាប់ចំនួន ៣៩ នាក់

10:03 2019/11/07

នៅក្នុងជំនួបទាំងនេះ អនុរដ្ឋមន្រ្តី លោក To Anh Dung បានថ្លែងអំណរគុណចំពោះកិច្ចសហប្រតិបត្តិការយ៉ាងសកម្មរបស់អាជ្ញាធរអង់គ្លេសក្នុងរយៈពេលកន្លង មកនិងអះអាងថា វៀតណាមនឹងបន្តសហប្រតិបត្តិការយ៉ាងជិតស្និទ្ធដើម្បីកំណត់អត្តសញ្ញាណជនរងគ្រោះ។

អនុរដ្ឋមន្រ្តីការបរទេសលោក To Anh Dung ជួបធ្វើការនៅអង់គ្លេសអំពីករណីអ្នកស្លាប់ចំនួន ៣៩ នាក់
អនុរដ្ឋមន្រ្តីការបេទេស លោក To Anh Dung ធ្វើការជាមួយរដ្ឋលេខាធិការក្រសួងមហាផ្ទៃទទួលបន្ទុកបញ្ហាជនអន្តោប្រវេសន៍ លោកស្រី Seema Kennedy (រូបថត Soha)

បន្តបេសកកម្មនៅអង់គ្លេសដើម្បីសម្របសម្រួលការងារលើករណីអ្នកស្លាប់ ចំនួន ៣៩ នាក់ នៅតំបន់ Essex ភាគឥសាននៃទីក្រុងឡុងដ៍នោះ នាថ្ងៃទី ៥ ខែវិច្ឆិកា អនុរដ្ឋមន្រ្តីការបរទេសវៀតណាម លោក To Anh Dung បានអញ្ជើញជួបធ្វើការជាមួយមន្រ្តីរដ្ឋាភិបាលអង់គ្លេសច្រើនរូប ដូចជា រដ្ឋលេខាធិការក្រសួងការបរទេសប្រចាំតំបន់អាស៊ី-ប៉ាស៊ីហ្វិក Heather Wheeler; រដ្ឋលេខាធិការក្រសួងមហាផ្ទៃទទួលបន្ទុកបញ្ហាជនអន្តោប្រវេសន៍ លោកស្រី Seema Kennedy; ចៅក្រមទទួលបន្ទុកករណី លោកស្រី Caroline Beasley-Murray និងអគ្គនាយកនៃក្រសួងការបរទេសទទួលបន្ទុកបញ្ហាសកលនិងសេដ្ឋកិច្ច Menna Rawlings។

នៅក្នុងជំនួបទាំងនេះ អនុរដ្ឋមន្រ្តី លោក To Anh Dung បានថ្លែងអំណរគុណចំពោះកិច្ចសហប្រតិបត្តិការយ៉ាងសកម្មរបស់អាជ្ញាធរអង់គ្លេសក្នុងរយៈពេលកន្លងមកនិងអះអាងថា វៀតណាមនឹងបន្តសហប្រតិបត្តិការយ៉ាងជិតស្និទ្ធដើម្បីកំណត់អត្តសញ្ញាណ ជនរងគ្រោះ។ លោកអនុរដ្ឋមន្រ្តីបានសង្កត់ធ្ងន់ថា អាជ្ញាធរវៀតណាមនឹងចាត់វិធានការចាំបាច់ទាំងអស់ ដើម្បីការពារពលរដ្ឋនិងស្នើអោយភាគីអង់គ្លេសជួយឧបត្ថម្ភក្នុងដំណើរការនេះ។

អនុរដ្ឋមន្រ្តី លោក To Anh Dung ក៏បានស្នើឱ្យភាគីអង់គ្លេស ពន្លឿនដំណើរការស៊ើបអង្កេត ដាក់ទណ្ឌកម្មយ៉ាងតឹងរឹងចំពោះអ្នកដែលត្រូវទទួលខុសត្រូវចំពោះឧប្បត្តិហេតុនេះ។ ទន្ទឹមនឹងនោះពង្រឹងការសម្របសម្រួលជាមួយវៀតណាមក្នុងការទប់ស្កាត់ឧក្រិដ្ឋជនបញ្ជូនជនចំណាកស្រុកខុសច្បាប់៕

(ប្រភព៖ vovworld.vn)
;

ព័ត៌មានទាក់ទិនផ្សេងៗ:

មតិយោបល់របស់មិត្តអ្នកអាន
ឈ្មោះ :
អ៊ីមែល :
យោបល់របស់លោកអ្នក:
   
 
 
 
 
   
Mobile
TieuDe
លេខកូដសុវត្ថិភាព:  
ផ្ញើ
  Hiển thị    kết quả / trang
Không tìm thấy bản ghi nào
Scroll