អគ្គលេខាបក្ស លោក Nguyen Phu Trong អញ្ជើញទទួលជួបជាមួយគណៈប្រតិភូបក្សកុម្មុយនិស្តគុយបា

05:55 2018/10/11

យុគសម័យ - នារសៀលថ្ងៃទី ១០ ខែតុលា នៅទីស្នាក់ការមជ្ឈឹមបក្ស អគ្គលេខាគណៈកម្មាធិការមជ្ឈិមបក្សកុម្មុយនិស្តវៀតណាម លោក Nguyen Phu Trong បានអញ្ជើញទទួលជួបសន្ទនាជាមួយលោកស្រី Olga Lidia Tapia Iglesia លេខាមជ្ឈិមបក្ស ប្រធានគណកម្មាធិការវិទ្យាសាស្ត្រ អប់រំនិងកីឡាមជ្ឈិមនៃបក្សកុម្មុយនិស្តគយបា ដែលកំពុងបំពេញទស្សនកិច្ចការងារនៅវៀតណាម។

អគ្គលេខាបក្ស លោក Nguyen Phu Trong អញ្ជើញទទួលជួបជាមួយគណៈប្រតិភូបក្សកុម្មុយនិស្តគុយបា
អគ្គលេខាបក្ស  លោក Nguyen Phu Trong អញ្ជើញទទួលជួបជាមួយលោកស្រី Olga Lidia Tapia Iglesia (រូបថតៈ TTXVN)

ក្នុងជំនួបនេះ អគ្គលេខាបក្ស លោក Nguyen Phu Trong បានអះអាងពីគោលជំហរមុនក៏ដូចជាក្រោយរបស់បក្ស រដ្ឋនិងប្រជាជនវៀតណាម ដែលគាំទ្របុព្វហេតុបដិវត្តន៍សុច្ចរិតរបស់ប្រជាជនគុយបាជាបងប្អូន។ វៀតណាមជឿជាក់យ៉ាងមុតមាំថា ប្រ ទេសគុយបានឹងបន្តអនុវត្តប្រកបដោយជោគជ័យដំណើរការធ្វើបច្ចុប្បន្នភាព រូបសណ្ឋានសេដ្ឋកិច្ចនិងសង្គមនិយមនិងបើកចេញដំណាក់កាលថ្មីក្នុងការអភិវឌ្ឍរដ្ឋឯករាជ្យ សង្គមនិយម ប្រជាធិបតេយ្យ វិបុលភាពនិងចីរភាព។

អគ្គលេខាបក្ស លោក Nguyen Phu Trong បានសង្កត់ធ្ងន់ថា វៀតណាមត្រៀមខ្លួនជាស្រេច ចែករំលែកបទពិសោធន៍ជាមួយប្រទេសគុយបា មិនត្រឹមតែជាសមិទ្ធិផលនានាប៉ុណ្ណោះទេ ថែមទាំងភាពខ្វះខាតនិងភាពទន់ខ្សោយដែលត្រូវយកឈ្នះដើម្បីគុយបាអាចសិក្សាស្រាវជ្រាវ ព្រមទាំងពិគ្រោះយោបល់ក្នុងដំណើរការបច្ចុប្បន្នកម្មភាពរូបសណ្ឋានសេដ្ឋកិច្ចសង្គម។ វៀតណាមជានិច្ចកាលវាយតំលៃខ្ពស់ ចំពោះបទពិសោធន៍របស់គុយបាក្នុងវិស័យនយោបាយមនោគមវិជ្ជា អប់រំ សុខាភិបាលនិងកីឡា ... ហើយជូនពរចំពោះសមិទ្ធផលនានាដែលបក្ស រដ្ឋនិងប្រជាជនគុយបាទទួលបានលើគ្រប់វិស័យពោលខាងលើ។

រីឯលោកស្រី Olga Lidia Tapia Iglesia បានជម្រាបជូនលោកអគ្គលេខាបក្ស Nguyen Phu Trong អំពីស្ថានភាពជាក់ស្តែងនៅប្រទេសគុយបា អំពីដំណើរការធ្វើវិសោធនកម្មរដ្ឋធម្មនុញ្ញ ដែលកំពុងប្រព្រឹត្តទៅនៅគុយបា ដោយមានការចូលរួមរបស់ប្រជាជនគ្រប់ស្រទាប់និងវណ្ណៈ។

ស្តីពីទំនាក់ទំនងរវាងបក្សទាំងពីរនិងប្រទេសទាំងពីរ លោកស្រី Olga Lidia Tapia Iglesia បានសង្កត់ធ្ងន់ថា បក្ស រដ្ឋនិងប្រជាជនគុយបាយកចិត្តទុកដាក់យ៉ាងខ្លាំងចំពោះទំនាក់ទំនងពិសេសជាមួយបក្ស រដ្ឋនិងប្រជាជនវៀតណាម។ លោកស្រីមានបំណងនិងប្តេជ្ញាចិត្តដើម្បីអនុវត្តន៍តាមបណ្តាំរបស់អ្នកដឹកនាំប្រវត្តិសាស្រ្តពីររូបគឺលោកប្រធានហូជីមិញនិងអគ្គមេបញ្ជាការ Fidel Castro ក្នុងការបង្កើននិងជម្រុញឲ្យទំនាក់ទំនងរវាងវៀតណាមនិងគុយបាកាន់តែស៊ីជម្រៅពីមួយថ្ងៃទៅមួយថ្ងៃ៕

(ដោយ ស្រីព្រេជ)
;

ព័ត៌មានទាក់ទិនផ្សេងៗ:

មតិយោបល់របស់មិត្តអ្នកអាន
ឈ្មោះ :
អ៊ីមែល :
យោបល់របស់លោកអ្នក:
   
 
 
 
 
   
Mobile
TieuDe
លេខកូដសុវត្ថិភាព:  
ផ្ញើ
  Hiển thị    kết quả / trang
Không tìm thấy bản ghi nào
ព័ត៌មាន​អាន​ច្រើន​ជាង​គេ៖
Scroll