យុគសម័យ - លោក Nguyen Thanh Tong អតីតអនុប្រធានសមាគមជនជាតិ វៀតណាម នៅប្រទេសបារាំងទើបតែបានចេញផ្សាយសៀវភៅរូបភាព “កោះសមុទ្រមាតុភូមិ” ដែលមានកម្រាស់ជិត ២០០ ទំព័រ។ សៀវភៅនេះគឺជាអនុស្សាវរីយ៍ដែលមិនអាចបំភ្លេចបាន ក្នុងដំណើរការមកសួរសុខទុក្ខនិងលើកទឹកចិត្តទាហាននិងប្រជាជន នៅប្រជុំកោះ Truong Sa និងស្ថានីយ៍ DK1 ក្នុងឆ្នាំ ២០១៦។
ខ្លឹមសារសៀវភៅនេះត្រូវបានបែងចែកជាពីរផ្នែក។ ផ្នែកទី ១ គឺការណែនាំរបស់អ្នកនិពន្ធ ក្នុងដំណើរការមកទស្សនាប្រជុំកោះ Truong Sa។ ក្នុងរយៈពេលពីរថ្ងៃធ្វើដំណើរលើលំហរសមុទ្រធំទូលាយ បានលេចចេញដុំថ្មមួយ នោះគឺជាកោះ Da Lon ។
បន្ទាប់ពីនោះអ្នកនិពន្ធបានបន្តដំណើរទៅទស្សនាកោះអណ្តែតមួយចំនួនទៀត ដូចជា៖ កោះSon Ca Nam Yet។ ជាពិសេស នៅកោះ Nam Yet មានរូបសំណាកមេបញ្ជាការ Tran Hung Dao លើកដៃទៅកាន់សមុទ្រ។
លោក Nguyen Thanh Tong និងសៀវភៅ “ កោះសមុទ្រមាតុភូមិ” ។ (រូបថត៖ VOV5)
ចំណែកផ្នែកទី ២ នៃសៀវភៅនេះ អ្នកនិពន្ធប្រមូលឯកសារប្រវត្តិសាស្ត្រអំពីប្រជុំកោះទាំងពីរគឺប្រជុំកោះ Hoang Sa និង Truong Sa ដែលជាអធិបតេយ្យភាពរបស់វៀតណាម។ អ្នកនិពន្ធផ្តល់រូបភាពងាយយល់។ ផ្នែកចុងក្រោយនៃសៀវភៅនេះគឺមតិអន្តរជាតិស្តីពីសមុទ្រខាងកើត./.（បកប្រែដោយឌីណា）
（ប្រភពព័ត៌មាន: thoidai.com.vn）
មតិពីមិត្តអ្នកអាន