យុគសម័យ - ស្នាដៃរូបថតចំនួន ២០០ របស់អ្នកនិពន្ធមកពី ១០ ប្រទេសអាស៊ាននឹងត្រូវបានដាក់តាំងបង្ហាញនៅក្នុងពិព័រណ៍រូបថតក្រោមចំណោងជើងថា «ប្រទេសនិងប្រជាជនអាស៊ាន» ដែលប្រព្រឹត្តទៅចាប់ពីថ្ងៃទី ១ ដល់ថ្ងៃទី ១៨ ខែកញ្ញាឆ្នាំ ២០២០ នៅទីក្រុងហាណូយ។
ជ្រលង់ភ្នំ Bac Son - វៀតណាម
នេះជាសកម្មភាពរៀបចំឡើងក្នុងឱកាសគម្រប់ខួប ៧៥ ឆ្នាំនៃបដិវត្តន៍ខែសីហា និងទិវាឯករាជ្យជាតិ (២ កញ្ញា) (១៩៤៥-២០២០) ដើម្បីអបអរសាទរឆ្នាំដែលវៀតណាមជាប្រធានអាស៊ាន និងខួបលើកទី ២៥ នៃទិវាវៀតណាមបានក្លាយជាសមាជិកអាស៊ានជាផ្លូវការផងដែរ។
ស្នាដៃរូបថតចំនួន ២០០ សន្លឹកដែលត្រូវបានដាក់តាំងបង្ហាញនៅក្នុងពិព័រណ៍នេះត្រូវបានជ្រើសរើសចេញពីស្នាដៃថតរូបជាង ១ ម៉ឺនសន្លឹករបស់អ្នកនិពន្ធចំនួន ១.២៤៨ នាក់មកពីប្រទេសជាសមាជិកអាស៊ានទាំង១០រួមមាន៖ ប៊្រុយណេដារូសាឡឹម កម្ពុជា ឥណ្ឌូនេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សឹង្ហបូរី ថៃ និងវៀតណាម។
ប៊្រុយណេដារូសាឡឹម
កម្ពុជា
ឥណ្ឌូនេស៊ី
ឡាវ
ម៉ាឡេស៊ី
មីយ៉ាន់ម៉ា
ហ្វីលីពីន
សិង្ហបុរី
ថៃ
ជ្រលង់ភ្នំ Bac Son - វៀតណាម
ពិព័រណ៍រូបថត «ប្រទេសនិងប្រជាជនអាស៊ាន» គឺជាឱកាសមួយ ដើម្បីលើកកម្ពស់សោភ័ណភាពទេសភាពធម្មជាតិនិងតម្លៃវប្បធម៌ប្រពៃណីរបស់ប្រទេសនីមួយៗដល់សាធារណៈជន។ ទន្ទឹមនេះ នេះក៏ជាឱកាសមួយ ដើម្បីបង្កើនការយោគយល់គ្នានិងទំនាក់ទំនងភាពស្អិតរមួតក្នុងចំណោមបណ្តាប្រទេសអាស៊ានដើម្បីចូលរួមចំណែកក្នុងការកសាងអាស៊ានប្រកបដោយសាមគ្គីភាពនិងការអភិវឌ្ឍដែលជាតំបន់ប្រកបដោយសុខសន្តិភាពនិងវិបុលភាពផងដែរ៕
（បកប្រែដោយ ហេង វុធ្ធី）
（ប្រភពព័ត៌មាន: thethaovanhoa.vn）
មតិពីមិត្តអ្នកអាន