គោលដៅទេសចរណ៍គួរឲ្យចាប់អារម្មណ៍ទាំងពីរនៅ Phan Rang – Thap Cham

23:53 2020/11/07

ប្រសិនបើលោកអ្នកមានបំណងចង់ទស្សនាឆ្នេរខ្សាច់រហោស្ថានជាមួយទេសភាពធម្មជាតិដ៏ស្រស់ស្អាតគឺមិនអាចរំលង Phan Rang – Thap Cham បានឡើយ។

គោលដៅទេសចរណ៍គួរឲ្យចាប់អារម្មណ៍ទាំងពីរនៅ Phan Rang – Thap Cham

គោលដៅមកដល់ដំបូងគឺឈូងសមុទ្រ Vinh Hy។ ដោយស្ថិតនៅចំងាយពីកណ្តាលទីក្រុង Phan Rang ប្រមាណ ២០ គីឡូម៉ែត្រនោះ លោកអ្នកអាចធ្វើដំណើរមកទីនេះតាមម៉ូតូ ឬឡានក៏បានដែរ។

ពី Vinh Hy លោកអ្នកអាចធ្វើដំណើរប្រមាណ ៥ គីឡូម៉ែត្រទៀតទើងបានមកដល់ Hang Rai ។ សម្រាប់មនុស្សដែលចូលចិត្តទេសភាពធម្មជាតិដ៏អស្ចារ្យ គឺមិនអាចរំលងកន្លែងនេះបានឡើយ។

ក្រុមអ្នកថតរូបបានចាត់ទុកថា នេះគឺ“ បេះដូងរបស់សមុទ្រ”។ ទេសភាពនៅទីនេះពិតជាស្រស់ស្អាតណាស់។

ទិដ្ឋភាពឈូងសមុទ្រ Vinh Hy

ប្រសិនបើលោកអ្នកបានមកដល់ Phan Rang – Thap Cham គឺលោកអ្នកគួរតែទៅទស្សនាប្រាសាទ Poklong Garai។ ដោយមានទីតាំងនៅលើកំពូលភ្នំ Trau ហើយមានចម្ងាយ ៧ គីឡូម៉ែត្រតាមទិសខាងលិច ព្រះមហាក្សត្រ Che Man បានសាងសង់ប្រសាទនេះ នៅសតវត្សរ៍ទី ១៣ដើម្បីគោរពបូជាស្តេច Poklong Garai របស់ជនជាតិចាម។

ប្រាសាទ Poklong Garai មានប្រាសាទតូចៗចំនួន ៣ ដេលមាន ដំបូលរាងដូចទូក។ បច្ចុប្បន្ន ប្រាសាទទាំងនេះនៅតែរក្សាបានសំណង់ស្ថាបត្យកម្មផង និងពិធីគោរពបូជារបស់ជនជាតិចាមដដែល។

បរិវេណប្រាសាទត្រូវបានព័ទ្ធជុំវិញដោយជញ្ជាំងដែលបែរមុខទៅទឹកខាងកើត និងត្បូង។ នេះគឺជាសំណង់ដែលមានតម្លៃសិល្បៈស្ថាបត្យកម្មសំណង់ និងចម្លាក់។

រូបសំណាក ស្តេច Poklong Garai នៅក្នុងសារមន្ទីរវប្បធម៌ចាម។

តំបន់ Phan Rang – Thap Cham ក៏មានឈ្មោះបោះសម្លេងជាមួយរបរកុលាលភាជន៍នៅភូមិ Bau Truc ដែលជាភូមិរបរកុលាលភាជន៍នៅតំបន់អាស៊ីអាគ្នេយ៍។

ឧបករណ៍ភ្លេងប្រពៃណីរបស់ជនជាតិចាមនៅក្នុងសារមន្ទីរវប្បធម៌ចាម។

(ប្រភពព័ត៌មាន: vovworld.vn)
;

ព័ត៌មានទាក់ទិនផ្សេងៗ:

មតិយោបល់របស់មិត្តអ្នកអាន
ឈ្មោះ :
អ៊ីមែល :
យោបល់របស់លោកអ្នក:
   
 
 
 
 
   
Mobile
TieuDe
លេខកូដសុវត្ថិភាព:  
ផ្ញើ
  Hiển thị    kết quả / trang
Không tìm thấy bản ghi nào
ព័ត៌មាន​អាន​ច្រើន​ជាង​គេ៖
Scroll