វៀតណាមចូលរួមកិច្ចប្រជុំនីតិកាល៧៤នៃគណៈកម្មការសេដ្ឋកិច្ច-សង្គមអាស៊ី-ប៉ាស៊ីហ្វិក

15:32 2018/05/16

ចាប់ពីថ្ងៃទី១៤ដល់ថ្ងៃទី១៦ខែឧសភានៅទីក្រុងបាងកកប្រទេសថៃ គណៈកម្មការ សេដ្ឋកិច្ច-សង្គមអាស៊ី-ប៉ាស៊ីហ្វិក (ESCAP)នីតិកាលទី៧៤បានបើកកិច្ចប្រជុំក្រោម មូលបទ “បញ្ហាវិសមភាពក្នុងការអនុវត្តរបៀបវារៈ២០៣០ស្តីពីការអភិវឌ្ឍប្រកប ដោយចីរភាព” ក្រោមអធិបតីភាពរបស់ប្រធានាធិបតីប្រជុំកោះ Marshall ជាប្រធាន នីតិកាល ទី៧៤ ESCAP។

គណៈប្រតិភូវៀតណាមដឹកនាំដោយលោក Ha Kim Ngoc អញ្ជើញចូលរួមក្នុងកិច្ចប្រជុំ (រូបថតៈ TTXVN)

គណៈប្រតិភូវៀតណាមចូលរួមក្នុងកិច្ចប្រជុំនេះ ដឹកនាំ ដោយអនុរដ្ឋមន្ត្រីក្រសួងការបរទេស លោក Ha Kim Ngoc។អញ្ជើញថ្លែងមតិនៅក្នុងកិច្ចប្រជុំ ដោយប្រធានបទ “បញ្ហាទាក់ទិននានាដល់គោល នយោបាយដោះស្រាយវិសមភាពសម្រាប់តំបន់អាស៊ី-ប៉ាស៊ីហ្វិក”នោះ លោក Ha Kim Ngoc បានសង្កត់ធ្ងន់ថា ដើម្បីដោះស្រាយឲ្យបានល្អបញ្ហាវិសមភាព ប្រទេស ទាំងអស់គប្បីកសាងនិងធានាបរិយាកាសសន្តិភាពស្ថិរភាព ឈរលើមូលដ្ឋានច្បាប់ អ​ន្តរជាតិ។ លោក Ha Kim Ngoc អះអាងថា វៀតណាមបានអនុវត្តដោយឥតឈប់ឈរ ការកែទម្រង់រដ្ឋបាលលើគ្រប់ជ្រុងជ្រោយដោយផ្តោតសំខាន់លើការពង្រឹងរបៀបរបប បង្កើតបរិយាកាសងាយស្រួលសម្រាប់អង្គការ បុគ្គលនានា កសាងផែនការជាតិ អនុវត្តន៍កម្ម វិធីជាតិស្តីពីការកាត់បន្ថយភាពក្រីក្រនិរន្តរភាពនិងកសាងជនបទថ្មី ដំណាក់កាល២០១៦-២០២០ សំដៅបង្រួញគម្លាតរវាងក្រុមប្រជាជន រវាងទី​ក្រុងនិងជនបទ ដើម្បីឲ្យក្រុមជនក្រីក្របំផុតបានទាក់ទង់ផ្ទាល់ជាមួយឥណទានអនុគ្រោះនិងទទួលបានគោលនយោបាយសុខុមាលភាពសង្គម។

ក្នុងថ្ងៃដដែល អញ្ជើញថ្លែងមតិទាក់ទិនដល់មូលបទ ​“លទ្ធិពហុភាគីនៅអាស៊ី-ប៉ាស៊ីហ្វិក ជម្រុញការអភិវឌ្ឍសេដ្ឋកិច្ច សង្គមគ្រប់ដណ្តប់ក្នុងតំបន់ និងរួមចំណែកទៅក្នុងការអភិបាលកិច្ចសេដ្ឋកិច្ចសកលលោក”នោះ លោក Ha Kim Ngoc បានអះអាងថា តាមរយៈកិច្ចព្រមព្រៀងគ្រប់ជ្រុងជ្រោយនិងជឿនលឿនសម្រាប់ភាពជាដៃគូអន្តរប៉ាស៊ីហ្វិក (CPTPP) ក្នុងនោះវៀតណាមជាសមាជិក ដែលជាសក្ខីភាពបញ្ជាក់អំពី ការខិតខំប្រឹងប្រែងក្នុងការជម្រុញពាណិជ្ជកម្មពហុភាគី ឈរលើ គោលការសមភាព តម្លាភាពនិងគ្រប់ជ្រុងជ្រោយក្នុងតំបន់អាស៊ី-ប៉ាស៊ីហ្វិក៕

 

;

ព័ត៌មានទាក់ទិនផ្សេងៗ:

មតិយោបល់របស់មិត្តអ្នកអាន
ឈ្មោះ :
អ៊ីមែល :
យោបល់របស់លោកអ្នក:
   
 
 
 
 
   
Mobile
TieuDe
លេខកូដសុវត្ថិភាព:  
ផ្ញើ
  Hiển thị    kết quả / trang
Không tìm thấy bản ghi nào
ព័ត៌មាន​អាន​ច្រើន​ជាង​គេ៖
Scroll