កាសែតអាមេរិក៖ វៀតណាមជាប់ចំណាត់ថ្នាក់ទី ២ ក្នុងចំណោមប្រទេសចំនួន ៩៨ ស្តីពីចំណាត់ថ្នាក់នៃវិធីការពារការរីករាលដាលនៃជំងឺរាតត្បាត Covid-19

10:43 2021/02/23

យុគសម័យ - នាថ្ងៃទី ២១ ខែកុម្ភៈ កាសែតអាមេរិក Business Insider បានចុះផ្សាយអត្ថបទមួយដែលទទួលស្គាល់សមិទ្ធិផលរបស់វៀតណាមក្នុងការbប្រយុទ្ធប្រឆាំងនឹងជំងឺរាតត្បាត Covid-19 និងវិភាគមូលហេតុនៃការប្រឆាំងនឹងការរាតត្បាតប្រកបដោយប្រសិទ្ធភាពរបស់ប្រទេសនេះ។

កាសែតអាមេរិក៖ វៀតណាមជាប់ចំណាត់ថ្នាក់ទី ២ ក្នុងចំណោមប្រទេសចំនួន ៩៨ ស្តីពីចំណាត់ថ្នាក់នៃវិធីការពារការរីករាលដាលនៃជំងឺរាតត្បាត Covid-19

ប្រទេសវៀតណាមជាប់ចំណាត់ថ្នាក់ទី ២ ក្នុងចំណោមប្រទេសចំនួន ៩៨ ស្តីពីចំណាត់ថ្នាក់នៃវិធីការពារការរីករាលដាលនៃជំងឺរាតត្បាត Covid-19។ (រូបភាព៖ រូបភាព Getty)

Business Insider បានដកស្រង់ចំណាត់ថ្នាក់ប្រសិទ្ធភាពប្រឆាំងនឹងជំងឺរាតត្បាតរបស់ប្រទេសនានាដោយវិទ្យាស្ថានស្រាវជ្រាវអូស្ត្រាលី Lowy។ តាមនោះវៀតណាមឈរនៅលំដាប់ទី ២ ក្នុងចំណោម ៩៨ ប្រទេសដែលនៅពីក្រោយប្រទេសណូវែលសេឡង់។

នៅក្នុងបទសម្ភាសន៍ជាមួយ Business Insider លោក Guy Thwaites ជាវេជ្ជបណ្ឌិតជំងឺឆ្លងនៅមន្ទីរពេទ្យព្យាបាលជំងឺរាតត្បាត Covid-19 មួយ បានឱ្យដឹងថា រដ្ឋាភិបាលវៀតណាមបានឆ្លើយតបយ៉ាង “ឆាប់រហ័សនិងខ្លាំងក្លា” តាំងពីការចាប់ផ្តើមរីករាលដាលថ្មី។

ចាប់តាំងពីខែមករាឆ្នាំ ២០២០ ប្រទេសវៀតណាមបានធ្វើការវាយតំលៃហានិភ័យនៃការឆ្លងរាលដាលនៃជំងឺរាតត្បាត Covid-19 ភ្លាមៗបន្ទាប់ពីមានករណី “ជំងឺរលាកសួតធ្ងន់ធ្ងរ” ត្រូវបានរកឃើញនៅទីក្រុង Wuhan ប្រទេសចិន។

លោក Kamal Malhotra អ្នកសម្របសម្រួលអង្គការសហប្រជាជាតិប្រចាំនៅប្រទេសវៀតណាមបានវិភាគអំពីជោគជ័យនៃប្រទេសរបស់យើងក្នុងយុទ្ធនាការប្រឆាំងនឹងជំងឺរាតត្បាត Covid-19 ដោយមានកត្តា ៣ គឺ៖ ការតាមដានប្រភពនៃការឆ្លង ការធ្វើតេស្តនិងការផ្តល់សារណែនាំច្បាស់លាស់។ សូមអរគុណដល់កត្តាខាងលើនេះ វៀតណាមចៀសវាងការបិទផ្លូវទូទាំងប្រទេស។

នៅក្នុងរបាយការណ៍មួយទៅកាន់អង្គការសហប្រជាជាតិលោក Malhotra បានសរសេរថា ប្រទេសវៀតណាមបានចាប់ផ្តើមយុទ្ធនាការដាក់ឱ្យនៅដាច់ដោយឡែកពីគ្នារយៈពេល ៣ សប្តាហ៍នៅខែកុម្ភៈឆ្នាំ ២០២០ ។ លោកក៏បានកោតសរសើរចំពោះការបិទព្រំដែននិងការផ្អាកជើងហោះហើរពីប្រទេសចិន អង់គ្លេសនិងអឺរ៉ុប បន្ទាប់ពីការបិទផ្លូវនេះ។

កាសែតអាមេរិក Business Insider បានសរសេរថា គ្មានប្រទេសណាដែលមានតំបន់និងប្រជាជនប្រហាក់ប្រហែលគ្នាអាចទប់ទល់នឹងជំងឺរាតត្បាតបានដូចប្រទេសវៀតណាមឡើយ។ ក្នុងចំណោមប្រជាជន ១០២ លាននាក់នៅអេហ្ស៊ីបមានប្រជាជនជាង ១៧៦.០០០ នាក់ឆ្លង Covid-19 នេះបើយោងតាមរបាយការណ៍របស់សាកលវិទ្យាល័យ John Hopkins។ ប្រទេសកុងហ្គោបានកត់ត្រាករណីជាង ២៤.០០០ ករណីក្នុងចំណោមប្រជាជន ៨៩ លាននាក់។ ជាពិសេសប្រទេសវៀតណាមមានព្រំដែនជាមួយប្រទេសផ្ទុះដំបូងគេគឺប្រទេសចិន៕

(បកប្រែដោយសាមេត)
(ប្រភពព័ត៌មាន: vtc.vn)
;

ព័ត៌មានទាក់ទិនផ្សេងៗ:

មតិយោបល់របស់មិត្តអ្នកអាន
ឈ្មោះ :
អ៊ីមែល :
យោបល់របស់លោកអ្នក:
   
 
 
 
 
   
Mobile
TieuDe
លេខកូដសុវត្ថិភាព:  
ផ្ញើ
  Hiển thị    kết quả / trang
Không tìm thấy bản ghi nào
ព័ត៌មាន​អាន​ច្រើន​ជាង​គេ៖
Scroll