ក្រុមសប្បុរសធម៌ចែករំលែកក្ដីស្រឡាញ់ជាមួយអ្នកជំងឺក្រីក្រ

15:58 2018/11/05

ជារៀងរាល់បីថ្ងៃម្តងក្នុងមួយសប្តាហ៍ ពោលគឺថ្ងៃអង្គា សៅរ៍និងថ្ងៃអាទិត្យ ក្រុមអ្នកស្ម័គ្រចិត្តសរទរដូវនិងមិត្តភក្តិរបស់ពួកគេ តែងមមាញឹកក្នុងការចម្អិននិងចែកចាយបបរដោយឥតគិតថ្លៃជូនដល់អ្នកជំងឺក្រីក្រនៅក្នុងមន្ទីរពេទ្យ ចំនួន ៦ នៅរដ្ឋធានីហាណូយ។ ចានបបរក្តៅៗបានផ្តល់ជូនអ្នកជំងឺមិនត្រឹមតែជាការបំប៉ន់អាហាររូបត្ថម្ភប៉ុណ្ណោះទេ ថែមទាំងបង្កប់ក្នុងនោះនូវអត្ថន័យនៃក្តីស្រឡាញ់និងចែករំលែកជាមួយជីវិតរបស់អ្នកជំងឺដែលមានស្ថានភាពលំបាក ក៏ដូចជាជួយផ្តល់នូវកម្លាំងចិត្តដើម្បីឲ្យអ្នកជំងឺទាំងនោះ តាំងចិត្តដើម្បីយកឈ្នះជំងឺទាំងឡាយ។

សមាជិកទាំងអស់ រួមដៃគ្នា ដាំបបរជូនអ្នកជំងឺក្រីក្រ 

រួមដំណើរជាមួយក្រុមអ្នកស្ម័គ្រចិត្តសរទរដូវនិងមិត្តភក្តិ ទៅចែកចាយបបរនៅតាមមន្ទីរពេទ្យ ចំនួន ៦ នៅទូទាំងទីក្រុងហាណូយទើបបានឃើញនូវអារម្មណ៍ស​សប្បាយរីករាយពីអ្នកជំងឺនៅទីនោះ។ នៅវេលាម៉ោង ២រសៀល ជារៀងរាល់ថ្ងៃសៅរ៍និងថ្ងៃអាទិត្យ អ្នកជំងឺតែងតែតម្រង់ជួរដើម្បីរងចាំទទួលយកបបរក្តៅ ៗ ពីសមាជិកនៃក្រុមស្ម័គ្រចិត្ត។  ត្រឹមរយៈពេលដ៏ខ្លីតែប៉ុណ្ណោះ  បបររាប់ពាន់ចានត្រូវបានបញ្ជូនទៅដល់ដៃអ្នកជំងឺ។ ចំពោះអ្នកជំងឺដែលមិនអាចទៅយកបបរបានទេនោះ នឹងមាពាក្យការជូនពរឲ្យអ្នកជំងឺឆាប់បានជាសះស្បើយ។​ លោកយាយ Nguyen Thi Bai មានអាយុ ៧០ ឆ្នាំដែលកំពុងព្យាបាលជំងឺនៅមន្ទីរពេទ្យ Thanh Nhan បានឲ្យដឹងថា៖ “មនុស្សចាស់ដូចជាយើងខ្ញុំនៅពេលដែលទទួលបានបបរក្តៅៗពិសារហាក់ដូចជាមានអារម្មណ៍ថាស្រស់ស្រាយក្នុងចិត្តណាស់។  យើងខ្ញុំសូមថ្លែងអំណរគុណយ៉ាងជ្រាលជ្រៅដល់ទឹកចិត្តសប្បុរុសធម៌របស់ក្មួយៗទាំងអស់គ្នា។ ក្មេងៗឥឡូវនេះ មានសីលធម៌ខ្លាំងណាស់ ចេះជួយដល់អ្នកជំងឺនៅក្នុងមន្ទីរពេទ្យនាគ្រាលំបាក។ ក្មួយៗជួយបម្រើយ៉ាងយកចិត្តទុកដាក់ ពាំនាំមកដល់កន្លែងជូនលោកតា លោកយាយដែលកំពុងឈឺ។ ទឹកចិត្តនេះពិតជាគួរឲ្យកោតសរសើរណាស់!”។

ដោយក្តីអាណិតអាសូរចំពោះស្ថានភាពលំបាករបស់អ្នកជំងឺ បានជា៤ ឆ្នាំកន្លងមក នេះ អ្នកស្រី Thanh Thi Thu Luong ប្រធានក្រុមសប្បុរសជនស្ម័គ្រចិត្ត បានរួមជាមួយ មិត្តភក្តិ ចម្អិនបបររាប់រយចានក្នុងមួយថ្ងៃ ហើយចែកជូនដល់អ្នកជម្ងឺដោយឥតគិតថ្លៃនៅឯមន្ទីរពេទ្យកុមារជាតិ។ ដើមឡើយ មនុស្សម្នាមាននៅការស្ទាក់ស្ទើរ ព្រោះពួកគេមិនទាន់ដឹច្បាស់ពីគុណភាពថា តើបបរនេះមានសុវត្ថិភាពឬអត់ទេ។ ប៉ុន្តែដោយទឹកចិត្តរបស់ខ្លួន អ្នកស្រី Luong បានបញ្ចុះបញ្ចូលនិងទទួលបាននូវការទុកចិត្តពីអ្នកជំងឺ។ បបរឆ្ងាញ់ហើយពោរពេញដោយដោយអាហារូបត្ថម្ភបានជាអ្នកជម្ងឺជាច្រើនចូលចិត្តញ៉ាំបបររបស់ក្រុមនេះណាស់។ ហើយសកម្មភាពសប្បុរសធម៌របស់អ្នកស្រី Thu Luong ក៏ទទួលបានការគាំទ្រយ៉ាងកក់ក្តៅពីសំណាក់មិត្តភក្តិនិងអ្នកជួយឧបត្ថម្ភផងដែរ។ ចំនួនអ្នកចូលរួមនៅក្នុងក្រុមនេះកាន់តែកើនឡើង។ ដំបូងមានអ្នកចូលរួមត្រឹមតែ ៥ នាក់ប៉ុណ្ណោះ ប៉ុន្តែសព្វថ្ងៃនេះក្រុមអ្នកស្ម័គ្រចិត្តមានសមាជិកជាង ១០០ នាក់ដែលបានរួមគ្នាដើម្បីចម្អិននិងចែកចាយបបរចំនួន៥.២០០ចានដោយឥតគិតថ្លៃ ក្នុងមួយសប្តាហ៍។ 

ធុងបបរសប្បុរសធម៌កំពុងបានត្រៀមបញ្ចូនទៅមន្ទីរពេទ្រ

អ្នកស្រី Thu Luong បានចែករំលែកថា៖ “ទឹកចិត្តសប្បុរសធម៌គឺដិតជាប់ក្នុងខ្លួនមនុស្សគ្រប់រូប ហើយពួកគេគ្រាន់តែរង់ចាំឱកាសដើម្បីរួបរួមគ្នាជាមួយទឹកចិត្តស្បុរសធម៌ផ្សេងទៀតតែប៉ុណ្ណោះ។ ខ្ញុំពិតជាមានមោទនភាពខ្លាំងណាស់ចំពោះមិត្តភ័ក្រ្តរបស់ខ្ញុំ។ ដើម្បីធ្វើដូច្នេះពួកគេត្រូវតែមានសណ្តានចិត្តពីព្រោះវាត្រូវចំណាយពេលជាច្រើន។ ហើយវាក៏មិនងាយស្រួលទេក្នុងការចម្អិនបបរទេ ជាពិសេស បបរដែលបានយកទៅក្នុងមន្ទីរពេទ្យ ត្រូវតែមានសុវត្ថិភាពសម្រាប់អ្នកជំងឺផងដែរ”។

សកម្មភាពស្ម័គ្រចិត្តរបស់ក្រុមនេះត្រូវបានគេស្គាល់កាន់តែច្រើននិងបានគេជួយឧបត្ថម្ភទខ្លាំងទាំងខាងសម្ភារៈនិងខាងស្មារតី។ ក្រៅ ពីការអំពាវនាវឱ្យមានការគាំទ្រពីអ្នកបរិច្ចាគនោះ សមាជិកនៃក្រុមក៏ធ្វើការរកស៊ីលើមុខម្ហូបចំណីអាហារជាច្រើនផងដែរដោយយកប្រាក់ចំណេញសម្រាប់សកម្មភាពសប្បុរសធម៌។ លោក Vu Hai Van សមាជិកម្នាក់នៃក្រុមនេះបាននិយាយថា៖ “ក្រុមនេះកំពុងអភិវឌ្ឍយ៉ាងល្អហើយមានអ្នកសុំចូលរួមជាច្រើនដែរ។ ក្រៅពីការរីកសាយភាយនៃក្ដីស្រឡាញ់មនុស្ស សមាជិកក៏មានបំណងអប់រំក្មេងៗ កុមារនិងចង់ឱ្យពួគគេទទួលមរតក ក៏ដូចជារំពឹងថាពួគគេនឹងមានទឹកចិត្តសប្បុរុសធម៌ ចេះស្រឡាញ់រាប់អានជាមួយគ្នា”។

 បបរក្តៅៗ បានជូបដល់ដៃរបស់អ្នកជំងឺ

មិនត្រឹមតែចែកបបរជូនដល់អ្នកជំងឺប៉ុណ្ណោះទេ ក្រុមអ្នកស្ម័គ្រចិត្តសរទរដូវនិងបណ្តាមិត្តក៏ថែមទាំងអំពាវនាវដល់ម្ចាស់ជំនួយ សម្រាប់ ជួយដល់អ្នកជំងឺដែលមានការលំបាក ជាពិសេសក្រុមបានប្រមូលផ្តុំអំណោយដើម្បីកសាងសាលារៀនឲ្យកុមារនៅតំបន់ព្រៃភ្នំ និងតបស្នងសង់គុណយុទ្ធជនពលីទៀតផង។ សកម្មភាពពោរពេញទៅដោយអត្ថន័យទាំងនេះ បានរួមចំណែកក្នុងការរីកសាយភាយនូវតម្លៃដ៏ល្អប្រសើរនៅក្នុងជីវិត៕

 

(VOV5)
;

ព័ត៌មានទាក់ទិនផ្សេងៗ:

មតិយោបល់របស់មិត្តអ្នកអាន
ឈ្មោះ :
អ៊ីមែល :
យោបល់របស់លោកអ្នក:
   
 
 
 
 
   
Mobile
TieuDe
លេខកូដសុវត្ថិភាព:  
ផ្ញើ
  Hiển thị    kết quả / trang
Không tìm thấy bản ghi nào
Scroll