សមាគមមិត្តភាពវៀតណាម - អ៊ីតាលីបានឧទ្ទេសនាមនូវសៀវភៅនិងប្រគល់សៀវភៅចំនួន ២ ក្បាលដល់សារមន្ទីរ Ho Chi Minh

17:11 2020/10/25

យុគសម័យ - នាល្ងាចថ្ងៃទី ២០ ខែតុលា ពិធីឧទ្ទេសនាមនិងប្រគល់ងសៀវភៅតុក្កតាជាភាសាអ៊ីតាលី ដែលមានចំណងជើងថា “ លោកប្រធាន Ho Chi Minh មនុស្សម្នាក់និងប្រជាជាតិមួយ” និងឯកសារបកប្រែភាសាអ៊ីតាលី“ Duong Kach menh” ជូនដល់សារមន្ទីរ Ho Chi Minh ដែលត្រូវបានធ្វើឡើង នៅ Casa Italia - - ផ្ទះអ៊ីតាលី (រដ្ឋធានីហាណូយ) ។ ព្រឹត្តិការណ៍នេះត្រូវបានរៀបចំឡើង ក្នុងឱកាសគម្រប់ខួបលើកទី ១៣០ នៃការប្រសូតរបស់លោកប្រធាន Ho Chi Minh (១៨៩០-២០២០) និងគាំទ្រនឹងសប្តាហ៍អ៊ីតាលីពិភពលោកលើកទី ២០ ។

សមាគមមិត្តភាពវៀតណាម - អ៊ីតាលីបានឧទ្ទេសនាមនូវសៀវភៅនិងប្រគល់សៀវភៅចំនួន ២ ក្បាលដល់សារមន្ទីរ Ho Chi Minh

ថ្លែងនៅក្នុងពិធីនោះលោក Dang Khanh Thoai  អតីតឯកអគ្គរដ្ឋទូតវៀតណាមប្រចាំនៅអ៊ីតាលីនិងជាអនុប្រធានសមាគមមិត្តភាពវៀតណាម - អ៊ីតាលីបានមានប្រសាសន៍ថា ការតស៊ូរបស់ប្រជាជនយើង ដើម្បីឯករាជ្យនិងការបង្រួបបង្រួមជាតិបានឈ្នះ ដែលទទួលការគាំទ្រដ៏រឹងមាំនិងឋិតថេររបស់ប្រជាជនពិភពលោកជាទូទៅនិងប្រទេសអ៊ីតាលីជាពិសេស។ ការបោះពុម្ពនិងផ្សព្វផ្សាយសៀវភៅពីរក្បាលគឺ“ លោកប្រធាន Ho Chi Minh មនុស្សម្នាក់និងប្រជាជាតិមួយ” និង“ Duong Kach menh”  គឺជាភស្តុតាងនៃចលនាតស៊ូដែលប្រជាជនអ៊ីតាលីបានប្រើក្នុងសម័យនោះ។ នេះគឺជាការងារដែលមានសារៈសំខាន់និងមានអត្ថន័យជាប្រវត្តិសាស្ត្រនិងមានតម្លៃណាស់ ដូច្នេះយើងចាំបាច់ថែរក្សានិងអភិរក្ស។

 

លោកស្រីប្រធានសម្ព័ន្ធអង្គការមិត្តភាពវៀតណាម Nguuyen Phuong Nga មានការចាប់អារម្មណ៍ចំពោះសៀវភៅ“ លោកប្រធាន Ho Chi Minh មនុស្សម្នាក់និងប្រជាជាតិមួយ”  ។

យោងតាមលោកឯកអគ្គរដ្ឋទូតវិសាមញ្ញនិងពេញសមត្ថភាពនៃសាធារណរដ្ឋអ៊ីតាលីប្រចាំនៅប្រទេសវៀតណាម Antonio Alessandro ប្រធានបទនៃសប្តាហ៍ភាសារអ៊ីតាលី លើពិភពលោក ក្នុងឆ្នាំនេះគឺភាសាអ៊ីតាលីក្នុងភាសាការបញ្ចេញមតិ ជាពិសេសបង្ហាញក្នុងសៀវភៅតុក្កតា។ ស្នាដៃ“ លោកប្រធាន Ho Chi Minh មនុស្សម្នាក់និងប្រជាជាតិមួយ” ដែលត្រូវបានជ្រើសរើសនិងឧទ្ទេសនាម នាថ្ងៃនេះមិនត្រឹមតែសមស្របសម្រាប់ប្រធានបទប៉ុណ្ណោះទេ ប៉ុន្តែក៏មានអត្ថន័យ​ពិសេស​ផងដែរ ​ពីព្រោះនោះជាសៀវភៅដែលតំណាងឱ្យការតភ្ជាប់រវាងវៀតណាមនិងអ៊ីតាលី។

សៀវភៅតូច ប៉ុន្តែវាត្រូវបានអមដោយមនោសញ្ចេតនានិងមិត្តភាព សាមគ្គីភាពរវាងប្រជាជនអ៊ីតាលីនិងវៀតណាម។ ហើយមនោសញ្ចេតនានោះត្រូវបានចិញ្ចឹមបីបាច់និងរីកចម្រើន រហូតមកដល់សព្វថ្ងៃ។ ” - លោកឯកអគ្គរដ្ឋទូតអ៊ីតាលីប្រចាំនៅប្រទេសវៀតណាម Antonio Alessandro បានមានប្រសាសន៍ថា

 

លោក Antonio Alessandro ឯកអគ្គរដ្ឋទូតវិសាមញ្ញនិងពេញសមត្ថភាពនៃប្រទេសអ៊ីតាលីប្រចាំនៅប្រទេសវៀតណាម។

ក្នុងឱកាសនេះឯកអគ្គរដ្ឋទូតអ៊ីតាលីប្រចាំនៅវៀតណាម លោក Antonio Alessandro បានថ្លែងអំណរគុណយ៉ាងជ្រាលជ្រៅចំពោះប្រជាជនវៀតណាមនិងសមាគមមិត្តភាពវៀតណាម - អ៊ីតាលី។ លោកបានវាយតម្លៃខ្ពស់ថាប្រជាជនវៀតណាមបានប្រគល់សម្ភារៈពេទ្យចាំបាច់ដល់អ៊ីតាលី ក្នុងការប្រយុទ្ធប្រឆាំងនឹងជំងឺ  COVID-19 កំពុងកើតឡើងយ៉ាងស្មុគស្មាញនៅក្នុងប្រទេសអ៊ីតាលី។

ប្រតិភូអញ្ជើញចូលរួមក្នុងពិធីនេះបានតាមដានការឧទ្ទេសនាមនូវការបោះពុម្ព ផ្សាយសៀវភៅចំនួនពីរគឺ“ លោកប្រធាន Ho Chi Minh មនុស្សម្នាក់និងប្រជាជាតិមួយ” និង“ Duong Kach Menh” ជាភាសាអ៊ីតាលី។

បានគេដឹងថាសៀវភៅតុក្កតាជាភាសាអ៊ីតាលី "“ លោកប្រធាន Ho Chi Minh មនុស្សម្នាក់និងប្រជាជាតិមួយ” (“Ho Chi Minh, un uomo e un popolo”) ត្រូវលោកនិងលោកស្រី Fabio Marangon và Catia Casti ដែលជាសមាជិកនៃសមាគមអ៊ីតាលី - វៀតណាមនៃតំបន់ Veneto ប្រមូលនិងបរិច្ចាគទៅសារមន្ទីរ Ho Chi Minh តាមរយៈសមាគមមិត្តភាពវៀតណាម - អ៊ីតាលី។

ក្នុងឆ្នាំ ២០១៦ លោកនិងលោកស្រី Fabio Marangon và Catia Casti ក៏បានប្រមូលនិងប្រគល់ជូនសារមន្ទីរ Ho Chi Minh នូវការថតសម្លេងនៃការអំពាវនាវរបស់លោកប្រធាន Ho Chi Minh ទៅកាន់ប្រជាជនអ៊ីតាលី ដោយលោកមេធាវី Lelio Basso សមាជិកក្រុមស៊ើបអង្កេតឧក្រិដ្ឋកម្ម​អាមេរិកនៅវៀតណាមដែលបានថតសម្លេងដោយផ្ទាល់ នៅរដ្ឋធានី​ Ha Noi នៅខែមីនាឆ្នាំ ១៩៦៧ ។

 

ប្រតិភូអញ្ជើញថតរូបទុកជាអនុស្សាវរីយ៍ក្នុងពិធីនេះ។

ក្នុងឱកាសឧទ្ទេសនាមនិងប្រគល់សៀវភៅសៀវភៅដល់សារមន្ទីរ  Ho Chi Minh ក្នុងនាមសមាគមអ៊ីតាលី - វៀតណាម សមាគមមិត្តភាពវៀតណាម - អ៊ីតាលីក៏បានប្រគល់ស្នាដៃ“Lelio Basso Rivoluzione” ជូនលោក Antonio Alessandro  ឯកអគ្គរដ្ឋទូតអ៊ីតាលីប្រចាំនៅប្រទេសវៀតណាម និងលោកស្រី Nguyen Phuong Nga ប្រធានសម្ព័ន្ធអង្គការមិត្តភាពវៀតណាម./.
(បកប្រែដោយឌីណា)
(ប្រភពព័ត៌មាន: thoidai.com.vn)
;

ព័ត៌មានទាក់ទិនផ្សេងៗ:

មតិយោបល់របស់មិត្តអ្នកអាន
ឈ្មោះ :
អ៊ីមែល :
យោបល់របស់លោកអ្នក:
   
 
 
 
 
   
Mobile
TieuDe
លេខកូដសុវត្ថិភាព:  
ផ្ញើ
  Hiển thị    kết quả / trang
Không tìm thấy bản ghi nào
ព័ត៌មាន​អាន​ច្រើន​ជាង​គេ៖
Scroll