សាកលវិទ្យាល័យ Da Nang ចុះហត្ថលេខាលើអនុស្សរណៈនៃការយោគយល់គ្នាស្តីពីការបណ្តុះបណ្តាលធនធានមនុស្សសម្រាប់ឡាវនិងកម្ពុជា

20:37 2020/09/22

យុគសម័យ - មន្ទីរកិច្ចការបរទេសនៃទីក្រុង Da Nang និងសាកលវិទ្យាល័យ Da Nang បានរៀបចំពិធីចុះហត្ថលេខាលើអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការក្នុងការបណ្តុះបណ្តាលធនធានមនុស្សសម្រាប់ឡាវនិងកម្ពុជា។

សាកលវិទ្យាល័យ Da Nang ចុះហត្ថលេខាលើអនុស្សរណៈនៃការយោគយល់គ្នាស្តីពីការបណ្តុះបណ្តាលធនធានមនុស្សសម្រាប់ឡាវនិងកម្ពុជា

 នាយកមន្ទីរកិច្ចការបរទេសនៃទីក្រុង (ស្តាំ) និងនាយករងសាកលវិទ្យាល័យ Da Nang (ឆ្វេង) ក្នុងពិធីចុះហត្ថលេខា

នាថ្ងៃទី ២២ ខែកញ្ញា មន្ទីរកិច្ចការបរទេសនៃទីក្រុងនិងសាកលវិទ្យាល័យ Da Nang បានចុះហត្ថលេខាលើអនុស្សរណៈនៃការយោគយល់ស្តីពីកិច្ចសហប្រតិបត្តិការក្នុងការបណ្តុះបណ្តាលធនធានមនុស្សសម្រាប់ឡាវនិងកម្ពុជាក្រោមកម្មវិធីអាហារូបករណ៍របស់គណៈកម្មាធិការប្រជាជនទីក្រុង។

តាមនោះ ការចុះហត្ថលេខាលើអនុស្សារណៈនៃការយោគយល់ក្នុងការបណ្តុះបណ្តាលធនធានមនុស្សសម្រាប់ឡាវនិងកម្ពុជាគឺជាមូលដ្ឋានធាតុសម្រាប់ការអភិវឌ្ឍធនធានមនុស្សដែលមានគុណភាពខ្ពស់ ជួយដល់មូលដ្ឋានក្នុងការកសាងនិងអភិវឌ្ឍន៍សេដ្ឋកិច្ច-សង្គម។ ក្រៅពីនេះ វាក៏ធ្វើឱ្យមនោសញ្ចេតនាកាន់តែស៊ីជម្រៅថែមទៀត ទំនាក់ទំនងមិត្តភាពជាប្រពៃណីរវាងវៀតណាម ឡាវនិងកម្ពុជា។

យោងតាមនាយកមន្ទីរកិច្ចការបរទេសលោក Huynh Duc Truong អនុស្សរណៈនៃការយោគយល់បន្ទាប់ពីចុះហត្ថលេខា នឹងត្រូវអនុវត្តភ្លាមៗនៅឆ្នាំក្រោយ ដោយសន្យាថា នឹងនាំមកនូវអត្ថប្រយោជន៍ជាក់ស្តែងជាច្រើនក្នុងការលើកកម្ពស់គុណភាពនៃការជ្រើសរើស បណ្តុះបណ្តាលនិងការគ្រប់គ្រងនិស្សិតបរទេស។ លើសពីនេះទៅទៀត នេះក៏ជាមូលដ្ឋានធាតុដើម្បីបង្កើតកម្មវិធីកិច្ចសហប្រតិបត្តិការបណ្តុះបណ្តាលធនធានមនុស្សឱ្យកាន់តែមានភាពចម្រុះនិងទូលំទូលាយបន្ថែមទៀតសម្រាប់មូលដ្ឋានរបស់ឡាវនិងកម្ពុជា។

សាស្ត្រាចារ្យរងបណ្ឌិត Le Quang Son នាយករងសាកលវិទ្យាល័យ Da Nang បានមានប្រសាសន៍ថា៖ “ជាមួយនឹងខ្លឹមសារជាក់ស្តែងនៃអនុស្សរណៈនៃការយោគយល់នេះ ខ្ញុំសង្ឃឹមថា ការបណ្តុះបណ្តាលធនធានមនុស្សសម្រាប់ប្រទេសមិត្តឡាវនិងកម្ពុជានឹងសម្រេចបានគុណភាពកាន់តែប្រសើរឡើងខ្ពស់អំពីកម្រិតនិងទំហំកាន់តែធំជាង ដោយហេតុនេះ ចូលរួមចំណែកជាក់ស្តែងក្នុងការអភិវឌ្ឍសេដ្ឋកិច្ច-សង្គមនៃប្រទេសទាំងពីរនិងពង្រឹងសាមគ្គីភាពរវាងប្រជាជន”៕
(បកប្រែដោយសាមេត)
(ប្រភពព័ត៌មាន: thoidai.com.vn)
;

ព័ត៌មានទាក់ទិនផ្សេងៗ:

មតិយោបល់របស់មិត្តអ្នកអាន
ឈ្មោះ :
អ៊ីមែល :
យោបល់របស់លោកអ្នក:
   
 
 
 
 
   
Mobile
TieuDe
លេខកូដសុវត្ថិភាព:  
ផ្ញើ
  Hiển thị    kết quả / trang
Không tìm thấy bản ghi nào
ព័ត៌មាន​អាន​ច្រើន​ជាង​គេ៖
Scroll