វៀតណាមនិងកម្ពុជាបង្កើនកិច្ចសហប្រតិបត្តិការលើវិស័យការពារជាតិ

19:40 2021/01/08

យុគសម័យ - នាព្រឹកថ្ងៃទី ៨ ខែមករាឆ្នាំ ២០២១ សិក្ខាសាលាតាមអនឡាញនិងការចុះហត្ថលេខាលើផែនការសហប្រតិបត្តិការឆ្នាំ ២០២១ រវាងរដ្ឋមន្រ្តីក្រសួងការពារជាតិវៀតណាមនិងរដ្ឋមន្ត្រីក្រសួងការពារជាតិកម្ពុជាបានធ្វើឡើង។

វៀតណាមនិងកម្ពុជាបង្កើនកិច្ចសហប្រតិបត្តិការលើវិស័យការពារជាតិ

ឧត្តមសេនីយ៍ឯក Ngo Xuan Lich សមាជិកការិយាល័យនយោបាយ រដ្ឋមន្រ្តីក្រសួងការពារជាតិ និងជាប្រធានគណៈប្រតិភូវៀតណាម

ធ្វើជាអធិបតីនៅវៀតណាមគឺលោកឧត្តមសេនីយ៍ឯក Ngo Xuan Lich សមាជិកការិយាល័យនយោបាយ រដ្ឋមន្រ្តីក្រសួងការពារជាតិ និងជាប្រធានគណៈប្រតិភូវៀតណាម។ ធ្វើជាអធិបតីនៅកម្ពុជាគឺលោកឧត្តមសេនីយ៍ឯក សម្តេចពិជ័យសេនាទៀបាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិនិងជាប្រធានគណៈប្រតិភូកម្ពុជា។

នៅក្នុងកិច្ចប្រជុំនេះ ភាគីទាំងពីរបានវាយតម្លៃខ្ពស់ចំពោះលទ្ធផលនៃកិច្ចសហប្រតិបត្តិការការពារជាតិក្នុងឆ្នាំ ២០២០។ ទោះបីត្រូវប្រឈមនឹងការលំបាកជាច្រើនដោយសារផលប៉ះពាល់នៃការរីករាលដាលនៃជំងឺរាតត្បាត Covid-19 ក៏ដោយ ខ្លឹមសារភាគច្រើននៅក្នុងផែនការសហប្រតិបត្តិការឆ្នាំ ២០២០ ត្រូវបានភាគីទាំងពីរអនុវត្តប្រកបដោយប្រសិទ្ធភាព ជាពិសេសកិច្ចសហប្រតិបត្តិការក្នុងការបណ្តុះបណ្តាលនិងជំនួយទៅវិញទៅមកក្នុងការបង្កាតនិងទប់ស្កាត់នឹងការរីករាលដាលនៃជំងឺរាតត្បាត Covid-19 កិច្ចសហប្រតិបត្តិការរវាងកងកំលាំងការពារព្រំដែន ការស្វែងរកការផ្ទុកនិងការបញ្ជូនត្រឡប់មកវិញនូវទាហានស្ម័គ្រចិត្តវៀតណាមdដែលស្លាប់នៅកម្ពុជា។

ជាពិសេសភាគីទាំងពីរបានរកឃើញនូវទម្រង់នៃកិច្ចសហប្រតិបត្តិការសមស្របក្នុងបរិបទនៃវិធានការណ៍បង្ការការរីករាលដាលនៃជំងឺរាតត្បាត។

លោកឧត្តមសេនីយ៍ឯក Ngo Xuan Lich បានកោតសរសើរចំពោះការគាំទ្រ ការចូលរួមនិងការចូលរួមចំណែកយ៉ាងសកម្មរបស់ប្រទេសកម្ពុជាចំពោះសកម្មភាពដែលរៀបចំឡើងដោយក្រសួងការពារជាតិវៀតណាមក្នុងឆ្នាំអាស៊ាន ២០២០ ជាពិសេស ADMM, ADMM + និងព្រឹត្តិការណ៍ទាក់ទងផ្សេងៗទៀតនាពេលថ្មីៗនេះ។

លោកឧត្តមសេនីយ៍ឯកទៀបាញ់បានអបអរសាទរចំពោះប្រទេសវៀតណាមដែលបានទទួលតួនាទីជាប្រធានអាស៊ាន ២០២០ ដោយជោគជ័យ។ ក្នុងឱកាសឆ្នាំថ្មី ២០២១ សូមជូនពរដល់រដ្ឋមន្រ្តីក្រសួងការពារជាតិវៀតណាមនិងនាយទាហាន និងកងទ័ពប្រជាជនវៀតណាមមានសុខភាពល្អ រីករាយនិងទទួលបានជោគជ័យ។

ទាក់ទងនឹងទិសដៅសហប្រតិបត្តិការនាពេលអនាគត ភាគីទាំងពីរបានឯកភាពបន្តអនុវត្តខ្លឹមសារនៃពិធីសារសម្រាប់ឆ្នាំ ២០២០-២០២៤ និងផែនការសហប្រតិបត្តិការ ២០២១ ដែលផ្តោតសំខាន់លើការជំរុញការឃោសនាលើទំនាក់ទំនង មិត្តភាពជាប្រពៃណី សាមគ្គីភាពនិងកិច្ចសហប្រតិបត្តិការគ្រប់ជ្រុងជ្រោយរវាងរដ្ឋ ប្រជាជននិងកងទ័ពនៃប្រទេសទាំងពីរ។ បន្តពង្រឹងនិងលើកកំពស់ប្រសិទ្ធភាពនៃយន្តការសហប្រតិបត្តិការ ជាពិសេសយន្តការសន្ទនាគោលនយោបាយការពារជាតិ ដោយកំណត់ថា នេះជាបណ្តាញសំខាន់មួយដើម្បីបង្រួបបង្រួមការយល់ដឹងរួមគ្នាអំពីបញ្ហាសន្តិសុខក្នុងតំបន់ ហើយតម្រង់ទិសខ្លឹមសារនៃកិច្ចសហប្រតិបត្តិការ។

ភាគីទាំងពីរបានពង្រឹងការផ្លាស់ប្តូរគណៈប្រតិភូគ្រប់ជាន់ថ្នាក់។ កិច្ចសហប្រតិបត្តិការក្នុងវិស័យបណ្តុះបណ្តាលបុគ្គលិក។ សម្របសម្រួលនិងសហប្រតិបត្តិការរវាងតំបន់យោធាព្រំដែននិងការគ្រប់គ្រងនិងការពារព្រំដែននៃប្រទេសទាំងពីរក្នុងការបង្ការទប់ស្កាត់និងការប្រយុទ្ធប្រឆាំងនឹងឧក្រិដ្ឋកម្មឆ្លងដែន ការរត់ពន្ធ ការជួញដូរ និងការដឹកជញ្ជូនគ្រឿងញៀន។

លើសពីនេះទៅទៀត ភាគីទាំងពីរត្រូវបន្តជំរុញសកម្មភាពល្បាតត្រួតពិនិត្យព្រំដែនយ៉ាងតឹងរ៉ឹង ច្រកព្រំដែន ផ្លូវលំបើកទ្វារ ទប់ស្កាត់ការចូលនិងចេញដោយខុសច្បាប់យ៉ាងតឹងរ៉ឹងដែលរួមចំណែកដល់ការបង្ការនិងទប់ស្កាត់នឹងជំងឺរាតត្បាត Covid-19 នៅក្នុងប្រទេសនីមួយៗ។

នៅចុងបញ្ចប់នៃកិច្ចពិភាក្សានេះ រដ្ឋមន្រ្តីការពារជាតិនៃប្រទេសវៀតណាមនិងកម្ពុជាបានចុះហត្ថលេខាលើផែនការសហប្រតិបត្តិការតាមអនឡាញសម្រាប់ឆ្នាំ ២០២១ ។ មុននោះ ឧត្តមសេនីយ៍ឯក Ngo Xuan Lich រដ្ឋមន្ត្រីក្រសួងការពារជាតិវៀតណាមបានជួបពិភាក្សាការងារជាមួយលោកឆាយណាវុធ ឯកអគ្គរដ្ឋទូតវិសាមញ្ញនិងពេញសមត្ថភាពនៃព្រះរាជាណាចក្រកម្ពុជាប្រចាំនៅវៀតណាម៕

(បកប្រែដោយសាមេត)
(ប្រភពព័ត៌មាន: vietnamplus.vn)
;

ព័ត៌មានទាក់ទិនផ្សេងៗ:

មតិយោបល់របស់មិត្តអ្នកអាន
ឈ្មោះ :
អ៊ីមែល :
យោបល់របស់លោកអ្នក:
   
 
 
 
 
   
Mobile
TieuDe
លេខកូដសុវត្ថិភាព:  
ផ្ញើ
  Hiển thị    kết quả / trang
Không tìm thấy bản ghi nào
ព័ត៌មាន​អាន​ច្រើន​ជាង​គេ៖
Scroll