យុគសម័យ - យោងតាមអ្នកយកព័ត៌មានទីភ្នាក់ងារសារព័ត៌មានវៀតណាម ផ្សាយព័ត៍ពីខេត្តមណ្ឌលគីរី (កម្ពុជា) បានឲ្យដឹងថា បញ្ជាការដ្ឋានយោធា ខេត្ត Dak Nong (វៀតណាម) ទើបតែបានរៀបចំការពិនិត្យជំងឺនិងចែកថ្នាំ ដោយឥតគិតថ្លៃសម្រាប់ប្រជាជនជាង ១.០០០ នាក់ ដោយមានតម្លៃជាង ២០០ លានដុងនៅឃុំសែនមនោរម្យស្រុកអូររាំងប្រទេសកម្ពុជា។
ការចែកអំណោយដល់ប្រជាជនក្រីក្រជាង ១.០០០ នាក់នៅកម្ពុជា (រូបថត៖ vietnamplus.vn)
លោកស្រី គូគុណ អនុប្រធានរងស្រុកអូររាំងក្នុងនាមជាអ្នកតំណាងអាជ្ញាធរ ស្រុកនេះបានថ្លែងអំណរគុណចំពោះការគាំទ្រនិងការផ្តល់ជំនួយរបស់ប្រតិភូវៀតណាម ព្រមទាំងសង្កត់ធ្ងន់ថាបញ្ជាការដ្ឋានយោធាខេត្ត Dak Nong របស់ វៀតណាមបានចុះសួរសុខទុក្ខ ព្រមទាំងជួយពិនិត្យជំងឺ ចែកថ្នាំ និងផ្តល់ អំណោយដល់ប្រជាជននៅទីនេះជាច្រើនលើក ច្រើនសារហើយ ហើយលោកស្រីបានសង្ឃឹមថាជំនួយនេះនឹងបន្តធ្វើឡើងទៀតនាពេលខាងមុខ។
គ្រូពេទ្យវៀតណាមចែកថ្នាំជូនប្រជាជនកម្ពុជា (រូបថត៖ vietnamplus.vn)
រីឯខ្លួនវិញ លោកវរសេនីយ៍ទោបំរុង Dang Van Tien អនុប្រធានខាង នយោបាយនៃបញ្ជាការដ្ឋានយោធាខេត្ត Dak Nong បានមានប្រសាសន៍ ថា“ នេះជាគោលការណ៍និងជាខ្លឹមសារមួយដ៏មានអត្ថន័យខាង នយោបាយខ្ពស់ដើម្បីពង្រឹងទំនាក់ទំនងសាមគ្គីភាពរវាងប្រជាជននិង កងកម្លាំងប្រដាប់អាវុធរវាងប្រទេសទាំងពីរនៅតាមព្រំដែន។ ការពិនិត្យនិង ចែកថ្នាំសង្កូវឥតគិតថ្លៃនឹងជួយបង្កើនចំណងសាមគ្គីភាពនិងប្រពៃណីរវាង វៀតណាមនិងកម្ពុជា ព្រមទាំងជួយឲ្យធ្វើប្រសើរឡើងនូវស្ថានភាព សន្តិសុខនយោបាយតាមខ្សែព្រំដែនផងដែរ៕（បកប្រែដោយ ហេង វុធ្ធី）
（ប្រភពព័ត៌មាន: tapchithongtindoingoai.vn）
មតិពីមិត្តអ្នកអាន