បង្កើនទំនាក់ទំនងមិត្តភាពរវាងប្រជាជនវៀតណាម - បារាំង

16:02 2020/07/14

យុគសម័យ - ក្នុងប៉ុន្មានឆ្នាំមកនេះ សមាគមមិត្តភាពវៀតណាម - បារាំង ទីក្រុងហូជីមិញបានអនុវត្តសកម្មភាពផ្លាស់ប្តូរមិត្តភាព កិច្ចការបរទេសប្រជាជនជាមួយសាធារណរដ្ឋបារាំង រួមចំណែកដល់ការពង្រឹងនិងអភិវឌ្ឍភាពជាដៃគូយុទ្ធសាស្ត្ររវាងប្រទេសទាំងពីរ។

បង្កើនទំនាក់ទំនងមិត្តភាពរវាងប្រជាជនវៀតណាម - បារាំង

ទដ្ឋភាពនៃជំនួបនេះ

នាព្រឹកថ្ងៃទី ១៣ ខែកក្កដា សម្ព័ន្ធអង្គការមិត្តភាពទីក្រុងហូជីមិញ (HUFO) បានបើកជំនួបដើម្បីអបអរសាទរខួបលើកទី ២៣១ ឆ្នាំនៃទិវាបុណ្យជាតិនៃសាធារណរដ្ឋបារាំង (១៤ កក្កដា ១៧៨៩-១៤ ខែកក្កដាឆ្នាំ ២០២០) ។

ថ្លែងនៅក្នុងជំនួបនេះ លោកស្រី Nguyen Thi Ngoc Dung ប្រធានសមាគមមិត្តភាពវៀតណាម - បារាំង ទីក្រុងហូជីមិញបានសង្កត់ធ្ងន់ថា ក្នុងរយៈពេល ២៣១ ឆ្នាំមុន បដិវត្តបារាំងដ៏អស្ចារ្យដែលមានគុណតម្លៃមនុស្សយ៉ាងជ្រាលជ្រៅ “សេរីភាព - សមភាព - សប្បុរសធម៌” បានលុបបំបាត់របបផ្តាច់ការនិយម ដោយបើកយុគសម័យនៃការត្រាស់ដឹងដល់សាធារណរដ្ឋបារាំង ដែលជះឥទ្ធិពលដល់អឺរ៉ុបនិងពិភពលោកទាំងមូល។

ចាប់តាំងពីពេលនោះមក ដោយមានស្ថេរភាពសេដ្ឋកិច្ច នយោបាយ សង្គម វប្បធម៌ វិទ្យាសាស្ត្រនិងសុខាភិបាល សាធារណរដ្ឋបារាំងតែងតែជាទីតាំងសំខាន់នៅក្នុងសហភាពអឺរ៉ុបនិងអង្គការសហប្រជាជាតិ។ ។

យោងតាមលោកស្រី Nguyen Thi Ngoc Dung ក្នុងប៉ុន្មានឆ្នាំថ្មីៗនេះ សមាគមមិត្តភាពវៀតណាម - បារាំងទីក្រុងហូជីមិញបានអនុវត្តសកម្មភាពផ្លាស់ប្តូរមិត្តភាព កិច្ចការបរទេសប្រជាជនជាមួយសាធារណរដ្ឋបារាំង រួមចំណែកដល់ការពង្រឹងនិងអភិវឌ្ឍភាពជាដៃគូយុទ្ធសាស្ត្ររវាងវៀតណាមនិងបារាំង។

សមាគមមិត្តភាពវៀតណាម - បារាំងទីក្រុងហូជីមិញមានគោលបំណងចង់និងត្រៀមខ្លួនសហការជាមួយស្ថានអគ្គកុងស៊ុលបារាំងប្រចាំនៅទីក្រុងហូជីមិញ សហគមន៍បារាំងនៅទីក្រុងហូជីមិញ ដើម្បីរៀបចំកម្មវិធីនិងព្រឹត្តិការណ៍កិច្ចការបរទេសប្រជាជនដើម្បីរួមចំណែកក្នុងការពង្រឹងនិងអភិវឌ្ឍន៍ទំនាក់ទំនងល្អរវាងប្រជាជននៃប្រទេសទាំងពីរ។

រិឯខ្លួនវិញ លោក Vincent Floreani អគ្គកុងស៊ុលនៃសាធារណរដ្ឋបារាំងប្រចាំនៅទីក្រុងហូជីមិញបានថ្លែងអំណរគុណដល់មិត្តភក្តិនៅទីក្រុងហូជីមិញដែលបានរៀបចំពិធីអបអរសាទរទិវាបុណ្យជាតិបារាំង ដែលជាថ្ងៃឈប់សម្រាកជាតិរបស់ប្រជាជនបារាំង។ ទន្ទឹមនឹងនេះ លោកបានអះអាងថា រដ្ឋាភិបាលនិងប្រជាជនបារាំងតែងតែគោរពនិងមានគោលបំណងចង់អភិវឌ្ឍទំនាក់ទំនងល្អជាមួយវៀតណាម ជាពិសេសទំនាក់ទំនងរវាងមូលដា្ឋនរបស់បារាំងនិងទីក្រុងហូជីមិញ។

ក្នុងឱកាសនេះ លោក Vincent Floreani បានថ្លែងអំណរគុណដល់រដ្ឋាភិបាលនិងប្រជាជនវៀតណាម រួមទាំងអង្គការនិងប្រជាជនទីក្រុងហូជីមិញដែលបានចែករំលែកនិងគាំទ្រដល់ប្រជាជនបារាំងក្នុងការបង្ការនិងទប់ស្កាត់នឹងជំងឺរាតត្បាត COVID-19 ដោយបានសម្តែងនូវអារម្មណ៍ល្អចំពោះសាមគ្គីភាពនិងមិត្តភាពរវាងប្រជាជននៃប្រទេសទាំងពីរ។

ស្ថានអគ្គកុងស៊ុលបារាំងប្រចាំនៅទីក្រុងហូជីមិញនឹងបន្តខិតខំប្រឹងប្រែងរួមចំណែកដល់ការជំរុញទំនាក់ទំនងរវាងប្រទេសទាំងពីរ ជាពិសេសក្នុងវិស័យសហប្រតិបត្តិការខាងអប់រំ វប្បធម៌ វិទ្យាសាស្ត្រនិងបច្ចេកវិទ្យា៕
(បកប្រែដោយសាមេត)
(ប្រភពព័ត៌មាន: thoidai.com.vn)
;

ព័ត៌មានទាក់ទិនផ្សេងៗ:

មតិយោបល់របស់មិត្តអ្នកអាន
ឈ្មោះ :
អ៊ីមែល :
យោបល់របស់លោកអ្នក:
   
 
 
 
 
   
Mobile
TieuDe
លេខកូដសុវត្ថិភាព:  
ផ្ញើ
  Hiển thị    kết quả / trang
Không tìm thấy bản ghi nào
ព័ត៌មាន​អាន​ច្រើន​ជាង​គេ៖
Scroll