ប្រជាជននៅសៀមរាប ចាប់ផ្ដើមពេញនិយមការជិះកង់ ជំនួសឡាន ម៉ូតូ ថែរក្សាបរិស្ថាន

10:28 2020/04/29

ក្រសួងទេសចរណ៍ បានបង្ហាញពីការផ្លាស់ប្ដូរនូវមធ្យោបាយទេសចរណ៍ថ្មីមួយ បានលេចឡើងនៅអង្គរ-សៀមរាប ដោយគេឃើញមានប្រជាពលរដ្ឋ និង ភ្ញៀវទេសចរភាគច្រើនបាននាំគ្នាជិះកង់ហាត់ប្រាណ ឬ រត់ហាត់ប្រាណកម្សាន្តនៅតាមរមណីយដ្ឋានបេតិកភណ្ឌពិភពលោកមួយនេះយ៉ាងពេញនិយម ព្រមទាំងជួយថែរក្សាបរិស្ថានផងដែរ ។

ប្រជាជននៅសៀមរាប ចាប់ផ្ដើមពេញនិយមការជិះកង់ ជំនួសឡាន ម៉ូតូ ថែរក្សាបរិស្ថាន

ក្រសួងទេសចរឱ្យដឹងថា ពួកគេជិះកង់ចេញពីក្រុងសៀមរាបឆ្ពោះទៅឧទ្យានអង្គរ ដោយភាគច្រើនកាត់តាមមុខប្រាសាទអង្គរវត្ត ភ្នំបាខែង ចូលក្រុងអង្គរធំតាមខ្លោងទ្វារទន្លេអុំ ប្រាសាទបាយ័ន្ត ប្រាសាទបាពួន ព្រះលានជល់ដំរី ។ អ្នកខ្លះទៀតក៏បន្តដំណើរតាមផ្លូវវង់តូច ដោយកាត់តាមខ្លោងទ្វារជ័យ សួនបណ្ដុះកូនឈើរបស់អាជ្ញាធរជាតិអប្សរា ប្រាសាទតាកែវ ប្រាសាទតាព្រហ្ម ប្រាសាទបន្ទាយក្ដី ស្រះស្រង់ ប្រាសាទក្រវាន់ជាដើម ។
 

ចំណែកឯអ្នកខ្លះក៏បន្តពីព្រះលានជល់ដំរីទៅតាមផ្លូវវង់ធំកាត់តាមខ្លោងទ្វារដីឆ្នាំង ប្រាសាទក្រោលរមាស ប្រាសាទព្រះខ័ន បារាយណ៍ខាងជើង ដែលមានប្រាសាទនាគព័ន្ធនៅចំកណ្ដាល ប្រាសាទក្រោលគោ ប្រាសាទតាសោម បារាយណ៍ខាងកើត និងប្រាសាទមេបុណ្យខាងកើត ប្រាសាទប្រែរូប ស្រះស្រង់ជាដើម និងបន្តមកដល់កសិន្ធុខាងកើតប្រាសាទអង្គរវត្ត។

លោក ង៉ូវ សេងកាក់ ប្រធានមន្ទីរទេសចរណ៍សៀមរាប បានឱ្យដឹងថា ឱ្យតែដល់ម៉ោង៤ទៀបភ្លឺឡើង ប្រជាពលរដ្ឋ និងភ្ញៀវទេសចរចាប់ផ្ដើមជិះកង់ និងរត់ហាត់ប្រាណរហូតដល់ម៉ោង ៧-៨ ព្រឹក ក៏នៅតែមានអ្នកជិះកង់ដែរ ហើយនៅពេលល្ងាចវិញ គេឃើញមានអ្នកជិះកង់ចាប់ពីម៉ោង ៤ រហូតដល់ព្រលប់ក៏មាន។ ភ្ញៀវទេសចរដែលនិយមជិះកង់ហាត់ប្រាណនេះ ភាគច្រើនជាប្រជាពលរដ្ឋរស់នៅក្រុងសៀមរាប ខណៈអ្នកខ្លះជាគ្រូបង្រៀន អ្នកជំនួញ អាជីវករ បុគ្គលអង្គការក្រៅរដ្ឋាភិបាលជាដើម ៕

 


(ប្រភពព័ត៌មាន: popular.com.kh)
;

ព័ត៌មានទាក់ទិនផ្សេងៗ:

មតិយោបល់របស់មិត្តអ្នកអាន
ឈ្មោះ :
អ៊ីមែល :
យោបល់របស់លោកអ្នក:
   
 
 
 
 
   
Mobile
TieuDe
លេខកូដសុវត្ថិភាព:  
ផ្ញើ
  Hiển thị    kết quả / trang
Không tìm thấy bản ghi nào
Scroll